కవయిత్రిని నేను
కవయిత్రిని నేను
*పరిగెత్తు కాలానికి పగ్గాలు వేసే
పదునైన కలమున్న కవయిత్రిని నేను.
*బీడుభూముల్లో అక్షరవిత్తులు నాటి
సాహిత్యాన్ని సాగుచేసే కవయిత్రిని నేను.
* హృదయఫలకం మీద ఊహలను రచించే (చిత్రించే) కలం (కుంచె) పట్టిన కవయిత్రిని నేను.
*ప్రజామేధను ప్రభావితంచేయ, వాస్తవాన్ని
నిర్భయంగా,నిస్సందేహంగా రాసే కవయిత్రిని నేను.
*అదృశ్యంగావుండి భాషద్వారా భావాలను వ్యక్తపరచి, భాష్యం చెప్పే కవయిత్రిని నేను.
*జీవిని స్పందింపజేసే భావాలోచన కలిగి
బౌతిక జీవమున్న సజీవదృక్కోణ కవయిత్రిని నేను.
*స్ఫూర్తి, ప్రేరణలకోసం అధ్భుత, ఆశ్చర్య
ఘటనలు వెదికే నిర్భయ కవయిత్రిని నేను.
*మానసిక సంఘర్షణలను తర్కిస్తూ, వాస్తవ అనుభూతులను రుచిచూపే కవయిత్రిని నేను.
*వ్యక్తి తన మానసికస్థితిని అసహ్యించుకునేలా సౌందర్య భావనను కలిగించే కవయిత్రిని నేను.
*నిరాకార సొగసును సుందరంగా వర్ణించి
అందరినీ ఆనందింపజేసే మీ కవయిత్రిని నేను.
శాంత కుమారి. కంకిపాటి
06. 04. 2023.