ఈ ప్రాణం

నువు చూడక ఒక్కక్షణం..నిలువ'లేదు ఈ ప్రాణం..! 

నీ చూపుల వెన్నెలనే.. వీడ'లేదు ఈ ప్రాణం..! 

హాయేదో సౌఖ్యమేదొ..మాటలేవొ నాకెందుకు.. 

హృదిలోనే నీవుంటివి..చూప'లేదు ఈ ప్రాణం..! 

నడుస్తున్న నవ్వుపూల..తరువులాగ తనువైనది.. 

నీ మహిమలు గాక ఏమొ..తలచ'లేదు ఈ ప్రాణం..! 

నాదైనది ఏమున్నది..పట్టిపట్టి దాచుకోగ.. 

మది నీవే దోచితివని..ఎంచ'లేదు ఈ ప్రాణం..! 

పంజరమున పడికుమిలే..పనితప్పెను నీదయతో.. 

నీకోసం గాకుండా..పాడ'లేదు ఈ ప్రాణం..! 

చెలిమికి ఒక అద్దమేదొ..పట్టడమది ఎట్లాగో.. 

పూలు తెచ్చి నీ పదముల..పోయ'లేదు ఈ ప్రాణం..!