గ్రంథాలయం
ప్రొఫైల్
ఘనతనీది
ఘనతనీది
1 min
2
మరణభయం ఆసాంతం..వదిలించిన ఘనతనీది..!
ఇదియంతా సినిమాగా..చూపించిన ఘనతనీది..!
కృతజ్ఞతలు చెప్పనెలా..నేను మిగిలి ఉంటేకద..
రహస్యమేం లేదన్నది..వివరించిన ఘనతనీది..!
కాలానికి దూరానికి..బంధమెంత చిత్రమోయి..
ఈ లెక్కల కట్టడాలు..దాటించిన ఘనతనీది..!
కవనవీణ తంత్రులింట..శుభ నాదము మనోహరం..
కణకణమో మధుశాలగ..సృష్టించిన ఘనతనీది..!
లోలోపల దూకుతున్న..మెఱుపుతేనె జలపాతం..
చెలిమిపూల రాగాలను..అందించిన ఘనతనీది..!
ప్రతి తలపో కోకిలమై..పాడుతోంది ప్రణయగీతి..
ఏకాంతపు మాధురిలో..తేలించిన ఘనతనీది..!
