ఎందుకే.... ఓ మనసా...

పరుగెత్తుతావెందుకు

పదిలంగా ఉండలేవా

తృప్తి లేక జీవితాలలో

అసంతృప్తి కలుగుతుందని

తెలియజెప్పక పోతివి

ఎందుకే..ఓ..మనసా

వెర్రితలలు వేస్తావు

మాయపొరలు కమ్ముతావు

బ్రాంతిలోన ముంచుతావు

పలురకాల ఆలోచనలతో

పాపకూపం లో దిగుతున్నామని

తెలియజెప్పక పోతివి

ఎందుకే ఓ మనసా

వెర్రితలలు వేస్తావు

నాదినాది అనుకుంటూ

నాశనం చేస్తున్నాము

ఏదీ మనవెంట రాదని

అన్ని వదిలిపోవాలని

తెలియజెప్పక పోతివి

ఎందుకే ఓ మనసా

వెర్రితలలు వేస్తావు

కోరికలకు బానిసలుగా

మేము దిగజారుతున్నాము

బానిసయిన మా బతుకు

బండలై పోతుందని

తెలియజెప్పక పోతివి

ఎందుకే ఓ మనసా

వెర్రితలలు వేస్తావు

స్వార్థం, అహంకారం

మాలోన పెరిగితే

మానవత్వం సమూలంగా

అడుగంటి పోతుందని

తెలియ జెప్పక పోతివి

ఎందుకే ఓ మనసా

వెర్రితలలు వేస్తావు

రక్తసంబందాలని 

పరుగెడుతున్నావు

కొడుకులు,బిడ్డలు రారు

బంధువులు అసలుకారని

తెలియజెప్పక పోతివి

ఎందుకే ఓ మనసా

వెర్రితలలు వేస్తావు

మద మాత్సర్యాలతో

విర్రవీగుతుంటే

క్షణభంగురమైన జీవితం

నీటిబుడుగల్లే చిదుమునని

తెలియజెప్పక పోతివి

ఎందుకే ఓ మనసా

వెర్రితలలు వేస్తావు

భవనాల, మిద్దెలు

ఎన్ని ఉన్నాకాని

కోట్లకొలది

ఆస్థులెన్నయిన కానీ

వెంట ఏది రాదని

చివరి యాత్రకు నీకు

ఆరడుగులే చాలని

తెలియజెప్పక పోతివి

ఎందుకే ఓ మనసా

వెర్రితలలు వేస్తావు

ఎందుకే...ఓ...మనసా......

తెలియ జెప్పక పోతివి

తెలియా..జెప్పక...పోతివి.....

......................................