గ్రంథాలయం
ప్రొఫైల్
చెప్పనెలా
చెప్పనెలా
1 min
7
అర్థం పర్థం లేనిది..లేదనేది చెప్పనెలా..!?
అంతా అవసరార్థమే..అవుననేది చెప్పనెలా..!?
మంచీచెడు ఏమైనా..అప్పటి ఫలితం వరకే..
సందర్భం ఏదైనా..తీర్పనేది చెప్పనెలా..!?
అజ్ఞానం ఏమున్నది..జ్ఞానం అందీ అందకె..
ఏ మొక్కా పిచ్చిమొక్క..కాదనేది చెప్పనెలా..!?
శాంతిని ఇచ్చే చీకటి..రంగదెంత కారునలుపు..
సమధర్మం ప్రవచించే..గురువనేది చెప్పనెలా..!?
ఏదో ముచ్చట పడుతూ..పోవడమే మరణంలే..
ఉపాధిగా దొరికేదే..తనువనేది చెప్పనెలా..!?
చూస్తే అనంత విశ్వం..అందమైన ఓ కావ్యం..
ఎవ్వరికో ఇంకేదో..చదువనేది చెప్పనెలా..!?
