நூலகம்
சுயவிவரம்
அவையடக்கம்
அவையடக்கம்
1 min
223
இனி என் வாழ்வின் பாதி அவள்
அம்மா சொன்னாள் தலையாட்டினேன்
இனி அவள் சொல்வாள் தலையாட்டுவேன்
முதல்நாள் அறிமுகம்
மறுநாள் நகர்வலம்
முகம் தெரியவில்லை
மனமும் தெரியவில்லை
மொழி தெரியவில்லை
பேசும்வழியும் தெரியவில்லை
வார்த்தைகள் மனதுக்குள்
ஆசைகள் விழிகளுக்குள்
நான் சிறைப்பட்டு விட்டேன் என்று
இந்த நாளும் சிறைப்பட்டு விடுமோ
தேடினால் வார்த்தைகள் கிடைப்பதில்லை
தேடாமல் மகிழ்ச்சி கிடைப்பதில்லை
ஆவலில் கழிந்தது பாதிநேரம்
தவிப்பில் கரைந்தது மீதிநேரம்
இரண்டு ஹலோவில்
முடிந்தது கடைசி நேரம்
அன்றும் பேசத் தெரியவில்லை
இன்றும் பேசத் தெரியவில்லை
அன்று தெரியாததால் பேசவில்லை
இன்று தெரிந்ததால் பேசவில்லை
'அவையடக்கம்!'
