ଦୁଃଖ -ସୁଖ
ଦୁଃଖ -ସୁଖ
ଦୁଃଖ ଆସେ ଅଦିନିଆ ମେଘ ପରି
ମନ ହୋଇଯାଏ କଳାହାଣ୍ଡିଆ
ଗର୍ଜନ ତର୍ଜନ ସହିତ
ବର୍ଷିବ ବର୍ଷିବ ପୁଣି ଭାଙ୍ଗିପଲାଏ
ସୁଖ ଆସେ କ୍ଷଣିକ ଅଳିକ
ଅଳ୍ପ ସମୟ ପାଇଁ
ବର୍ଣ୍ଣାଳିର ଛଟାରେ ଆଭାରେ
କିଛି କ୍ଷଣ-ଦଣ୍ଡେ ପାଇଁ
ଦୁଃଖ ଆସେ ସମସ୍ୟା ପଶେ
ଭାରାକ୍ରାନ୍ତ ମନ
ନିଦ ହଜିଯାଏ ଉଡିଯାଏ
ସମାଧାନ ଖୋଜେ ଦିନୁଦିନ
ସୁଖ ଆସେ ଅଜଣା ଅତିଥି
କୁହା ନାହିଁ କି ବୋଲା ନାହିଁ
ଖୋଜିଲେ ଆସେନା କେବେ
ମରିକିକା ପରି ଅଛି ଏଇଠି ଏଇଠି ନାହିଁ
ସୁଖର ଚାଦର ତଳେ ଦୁଃଖର କାକର
ଖୁସିର ଅମାର ତଳେ ଲୁହାର କବର
ଲାଭର ମୀନାର ପାଖେ ହାନୀର କଙ୍କର
ଦୁଃଖ -ସୁଖ
ଖରା-ଛାଇ
ଆଲୁଅ -ଅନ୍ଧାର ଦ୍ଵାହି
କାଗଜର ଦୁଇ ଫର୍ଦ୍ଧ ପରି ଫର ଫର
ଟଙ୍କାର ଦୁଇ ପାଖ ଭଳି କର କର
ଲଗା ଲଗି ଜାଁଆଳା-ଭାଇ ଯମଜ ଦାୟାଦ
ଆସିବେ ବାରମ୍ବାର ଯିବେ ବାରବାର ହୋଇଣ ଉନ୍ମାଦ