Audio

Forum

Read

Contests

Language


Write

Sign in
Wohoo!,
Dear user,
ତୁମ କରୁଣାରୁ
ତୁମ କରୁଣାରୁ
★★★★★

© Bauribandhu Lenka

Inspirational

1 Minutes   7.1K    8


Content Ranking

ତୁମ କରୁଣାରୁ ପ୍ରତି ପ୍ରଭାତରେ

ମୋ ବେନି ନୟନ ଖୋଲେ ।

ସେ ନୟନ ଶୋଇଯିବ ଚିରଦିନ

କରୁଣାର ଊଣା ହେଲେ ॥ ୦॥


ତୁମ ଇଙ୍ଗିତରେ ସକାଳ ସୂରୁଜ

ଢାଳେ ସୁନେଲି କିରଣ ।

ଗାଆନ୍ତି ବିହଙ୍ଗ ଫୁଟେ ନାନା ଫୁଲ

ବହେ ମନ୍ଦ ସମୀରଣ ।

ତୁମ ସଂରଚନା ତୁମ ସଂଯୋଜନା

ପାଇବି କେଉଁଠି ଗଲେ ।

ତୁମ କରୁଣାରୁ ପ୍ରତି ପ୍ରଭାତରେ

ମୋ ବେନି ନୟନ ଖୋଲେ.........॥ ୧ ॥


ଜଡ ବା ଚେତନ ସବୁଥିରେ ଗୁଣ

ଦେଇଅଛ ତୁମେ ଖଞ୍ଜି ।

କେ ପରାଙ୍ଗପ୍ରିୟ କେ ବା ସ୍ୱୟଂକ୍ରିୟ

ଗୁଣୀ ଜାଣିଥାଏ ଖୋଜି ।

ତୁମ ଯାଦୁକରୀ ପାରେନା କେ ଜାଣି

ଯିଏ ଯେତେ ଚେଷ୍ଟା କଲେ ।

ତୁମ କରୁଣାରୁ ପ୍ରତି ପ୍ରଭାତରେ

ମୋ ବେନି ନୟନ ଖୋଲେ.........॥୨ ॥

କରୁଣା ସମୀରଣ ପ୍ରଭାତ

Rate the content


Originality
Flow
Language
Cover design

Comments

Post


Some text some message..