Audio

Forum

Read

Contests

Language


Write

Sign in
Wohoo!,
Dear user,
ଗୁରୁଜୀ - ୨
ଗୁରୁଜୀ - ୨
★★★★★

© LAXMAN KUMAR BEHERA (ଯତି)

Inspirational

1 Minutes   7.0K    7


Content Ranking



ସୃଷ୍ଟି ଆରମ୍ଭରୁ ଗୁରୁ ଜନ୍ମିଥିଲେ

ସମସ୍ତ ପ୍ରଶ୍ନର ଉତ୍ତର ନେଇ,

ଗୁରୁ ହିଁ ଅମୃତ ଜ୍ଞାନର ଭଣ୍ଡାର

ଶିଷ୍ୟ ଜଗତର କଲ୍ୟାଣ ପାଇଁ ।


ଶିଷ୍ୟ ପାଇଁ ଗୁରୁ ଦେବ ଭଗବାନ

ତାଙ୍କରି ପ୍ରତିଟି କର୍ମ ହିଁ ପୂଣ୍ୟ,

ଗୁରୁ ସେବା ପଥ ଅନୁସରି ଶିଷ୍ୟ

ଲଭେ ମୁକ୍ତି - ମୋକ୍ଷ - ଆନନ୍ଦ - ଧର୍ମ ।


ଗୁରୁ ସେବା ପରା ଗୁରୁକୁଳ ଶିକ୍ଷା

ଶିଷ୍ୟ ପାଇଁ ଗୁରୁ ସାକ୍ଷାତେ ଈଶ,

ଆତ୍ମା ସଦଗତିର ଦ୍ବାର ହିଁ ତ ଗୁରୁ

ଗୁରୁ ବିନା ଶିଷ୍ୟ ଭୋଗଇ ବିଷ ।


କର୍ମଯୋଗ - ଜ୍ଞାନଯୋଗ - ଭକ୍ତିଯୋଗ

ଲଭିବାକୁ ଲୋଡା ଶ୍ରୀକୃଷ୍ଣ ସ୍ପର୍ଶ,

ଅର୍ଜୁନ ପରିକା ଶିଷ୍ୟ ମିଳେ ଯେବେ

ବିଶ୍ଵ ବ୍ରହ୍ମାଣ୍ଡରେ ଯଶ ହିଁ ଯଶ ।


ଗୁରୁଙ୍କ ଆଶିଷ ଲାଭ କରି ଶିଷ୍ୟ

ଧର୍ମ - ପ୍ରେମ ପଥେ ରଖଇ ଲୟ,

ଶିଷ୍ୟ ଏକା ଜାଣେ ଶ୍ରେଷ୍ଠ କିଏ ମର୍ତ୍ତ୍ଯେ

ସରଳ - କୋମଳ କାହା ହୃଦୟ ।


ଗୁରୁ ଓ ଶିଷ୍ଯର ସମ୍ପର୍କ ଅମ୍ଳାନ

ଶାଶ୍ବତ - ପବିତ୍ର - ସତ୍ୟ - ସୁନ୍ଦର,

ନିଃସ୍ଵାର୍ଥ ଭାବନା, ସାଧୁ - ହିତ ଚିନ୍ତା

ଗୁରୁ - ଶିଷ୍ଯ ଭାବ ସଦା ମଧୁର ।


ଶିଷ୍ୟର ପ୍ରତିଟି ଜୀବନ ପୃଷ୍ଠାରେ

ଗୁରୁଙ୍କର ଆଶିର୍ବାଦ ହିଁ ପୂର୍ଣ୍ଣ,

ଶିଷ୍ୟ ରଥ ହେଲେ ଗୁରୁ ହିଁ ସାରଥି

ଗୁରୁଦେବ ପରମାତ୍ମା ସମାନ ।


ଶିଷ୍ୟ ମୋକ୍ଷ ପାଏ ଗୁରୁ କୃପା ବଳେ

ମର୍ତ୍ତ୍ଯେ ସୁଖ - ଶାନ୍ତି ଲଭେ ସମ୍ମାନ,

ଶିଷ୍ୟ ଯନ୍ତ୍ର ହେଲେ ଗୁରୁ ମହାଯନ୍ତ୍ରୀ

ଗୁରୁ ହିଁ ଶିଷ୍ଯର ହୃଦ - ସ୍ପନ୍ଦନ ।


ଗୁରୁ ହିଁ ଶିଷ୍ଯର ଅନ୍ଧକାର ନାଶି

ଆଧ୍ୟାତ୍ମିକ ପଥେ ଚଲାନ୍ତି ପଥ,

ଗୁରୁବାଣୀ ଶୁଣି ଚିତ୍ତ ଉଲ୍ଲସିତ

ଶାନ୍ତି ନିରାମୟ ଜୀବନ ସୁସ୍ଥ ।


ଗୁରୁଦେବ ସଙ୍ଗ - ଦର୍ଶନରେ ଶିଷ୍ଯ

ସକଳ ବନ୍ଧନୁ ପାଏ ମୁକତି,

ଗୁରୁପାଦ ସେବି ଶିଷ୍ୟ ମହାକବି

ଶିଷ୍ୟ ଏକା ଜାଣେ ଗୁରୁ ଭକତି ।



ଶ୍ରୀ ଲକ୍ଷ୍ମଣ କୁମାର ବେହେରା (ଯତି)

କବି କୁଟୀର

ଦଣ୍ଡାସିଂହା, ବାରକୋଟ

ଦେବଗଡ (ଓଡିଶା)

ମୋ - ୦୯୬୬୮୨୪୨୭୨୦

ଗୁରୁଜୀ ଜୀବନ ଶାନ୍ତି

Rate the content


Originality
Flow
Language
Cover design

Comments

Post


Some text some message..