Audio

Forum

Read

Contests

Language


Write

Sign in
Wohoo!,
Dear user,
ଲାଫିଙ୍ଗ କ୍ଲବ
ଲାଫିଙ୍ଗ କ୍ଲବ
★★★★★

© Sarada Parida

Inspirational Others

1 Minutes   13.4K    10


Content Ranking

ଏ ପାରାଭାଡିର ସହର

ଚଉହଦିରେ କୋଳାହଳ

ଅଥଚ ସମ୍ପୂର୍ଣ୍ଣ ଏକଲା ଏ ମଣିଷ !

 ହସ

ତୁମେ ଆହୁରି ହସ !

କ’ଣ କୁହେ ସେ ହସ ?

ତୁମ ମନର ଅବ୍ୟକ୍ତ ବେଦନା ?

ଅବା ଏ ହସର ସମ୍ଭ୍ରମତା ତଳେ ଲୁଚିଛି

ଏକ ତିର୍ଯ୍ୟକ୍ କଟାକ୍ଷ

ଜୀବନର ଉପସଂହାର ବେଳକୁ ?

ଅନନ୍ତ ସେ ହସର ରହସ୍ୟ !

ତମେ ହସ କି

ଏ ଧାଉଁଥିବା ଚରିତ୍ର ମାନଙ୍କ

ବାହାସ୍ଫୋଟ ଦେଖି

ଯେଉଁଠି ସଂପୂର୍ଣ୍ଣ ଜୀବନ

ଛୋଟ ପଡେ ଇଚ୍ଛାମାନଙ୍କୁ ରୂପ ଦେଉ ଦେଉ

ପୁଣି ତା ପରେ

ନିଜକୁ ନିଖୋଜ ହେବାକୁ ପଡେ

କେଉଁ ଗୋଟାଏ

ଅଣବିପଣ ଦ୍ରବ୍ୟଟାଏ ମଣି ?

ଆହୁରି ପ୍ରଖର ହୁଏ ହସ

କାହାର ଏ କଣ୍ଠ

ଗାରିମାର ଅବା ଗ୍ଳାନିର

ଅବା ଗୋଟାଏ ତୁଚ୍ଛ ବଡପଣର

ଯିଏ କ୍ରମଶଃ ମିଳେଇ ଯାଏ ଧୂଆଁ ପରି

ଜୀବନକୁ ବୁଝିବା ଆଗରୁ ।

ପୁଣି ପଛକୁ ପଛ ହସ ମାନଙ୍କର ଲହଡି

ମାପିବାକୁ ବଳ ପାଏନି

ସତରେ କ’ଣ ଖୁସି ସେମାନେ ?

ନେଂ ଛେଂର ଜୀବନ

କେବେ ବେମାରର ଦାଉ

ଦାଉ କେବେ ସମ୍ପର୍କର

ଯେଉଁଠି ମୁକ ପାଲଟେ ସ୍ଵାଭିମାନ ।

ତଥାପି ସେମାନେ ହସନ୍ତି

ଏ ହତଭାଗ୍ୟ ସମାଜକୁ

ବାଟ ଦେଖେଇବାକୁ

ଭୁଲିବାକୁ ଚେଷ୍ଟାକରନ୍ତି

ସାରା ଜୀବନର ପର ଆପଣାର ଭାବ

ଅନ୍ତତଃ ଜୀବନର ଶେଷ କ୍ଷଣରେ

ଗଢିଦେଇ ଗୋଟାଏ ଗୋଟାଏ

ଲାଫିଙ୍ଗ କ୍ଲବ

ହେଉ ପଛେ ମୁହଁରେ ଲେପ ଦେଇ

କୃତିମତାର ହସ ।

  ଶାରଦା ପ୍ରସାଦ ପରିଡା

ଅଧ୍ୟାପକ, ମେକାନିକାଲ ଇଂଜିନିୟରିଗଂ,

କୋଣାର୍କ ବିଜ୍ଞାନ ଏବଂ ବୈଷୟିକ ମହାବିଦ୍ୟାଳୟ , ଖୋର୍ଦ୍ଧା

କୋଳାହଳ କଣ୍ଠ ଜୀବନ

Rate the content


Originality
Flow
Language
Cover design

Comments

Post


Some text some message..