ଟଙ୍କାଟିଏ
ଟଙ୍କାଟିଏ
ମୁଁ ଜାଣି ନାହିଁ
ଏବେ ବି ଜାଣିବାକୁ ଇଛା କରୁନାହିଁ
ଆପଣ ଟଙ୍କା ଟିଏ
ଦେଇଛନ୍ତି କି ନାହିଁ ?
ଆଜି ଏହାର ମୂଲ୍ୟ
କାହା ପାଇଁ ମାମୁଲି ତ
ଆଉ କାହା ପାଇଁ
ବେଶ ମୂଲ୍ୟବାନ । ୧।
ଦେବ ଯଦି ଚଞ୍ଚଳ ଦିଅ
ରାଷ୍ଟ୍ରର ହିତରେ ଆସିବ ।
ଉତ୍ସବ ବ୍ୟସନେ ରାଷ୍ଟ୍ର ବିପ୍ଳବ
ବେଳରେ ସାଥିଟିଏ ହୁଅ
ରାଷ୍ଟ୍ର ପୁରୁଷ ସାଜିବ ।୨।
ପଡିଗଲେ ଯାଉଛି
ସାଙ୍ଗ ମେଳରେ
ଖାଇଦେଲେ ଯାଉଛି ।
ସୋସିଆଲ ମିଡିଆ ଚାଟିଙ୍ଗରେ
ନ କହିବା ଭଲ
କିଏ ତାର ହିସାବ ରଖିଛି ।୩।
ଦାନରେ ଯେଉଁ ଶାନ୍ତି
ତାହା ଗ୍ରହଣରେ ନାହିଁ ।
ଦାନ ହାତର ଭୂଷଣ
ଆଭୂଷଣ ରେ ନାହିଁ ।୪।
ମନ ଦିଅ ନିଜ କାର୍ଯ୍ୟରେ
ତାହା ସେବା ଦାନ ଧର୍ମ ଠୁଁ ବଳି ।
ଅର୍ଜନରୁ କିଞ୍ଚିତ
ନିଶ୍ଚୟ ଦିଅ
ତାହା ତୁମ ବଳିଦାନ ଠୁଁ ବଳି ।୫।
ବଜେଟ ବେଳର
ଚିତ୍ରକୁ ନିଶ୍ଚୟ ଦେଖ ,
ଟଙ୍କାଟିଏ
କେଉଁଠୁ କିପରି ଆସୁଛି
ଗଲାବେଳେ କିପରି ଯାଉଛି ।୬।
ଆସିବା ଯଦି ଏତେ କଷ୍ଟ
ଆମ ବଦ ଖର୍ଚ୍ଚ କାହିଁକି ?
ଯିବା ଯଦି
ସତ୍ ସୁନ୍ଦର
ଟଙ୍କା ଟିଏ କିମ୍ବା ତାଠୁଁ ଅଧିକା
ନ ଦେଇ ରହିବା କାହିଁକି ? । ୭।
ରଞ୍ଜନ କୁମାର ବ୍ରହ୍ମା
ଶିକ୍ଷକ, ସି ଆର ସି ସି, ଚିକିଟୀ ଗଡ଼