ଦର୍ଶନେ ମୋ ପ୍ରିୟତମା |

ମଧୁର ଲଳିତା ଦର୍ଶନେ 

ଆସେ ନୀଳ ଆକାଶେ ,

ଧବଳ ଜଳଦ ଧାରିଣ

ବସି ପରମ ଉଲାସେ ।

ନିରୀକ୍ଷଣ କଲି ମୁଁ ସୁସ୍ଥିରେ

କ୍ଷଣ ସୁର ନୟନୀ ,

ନିରୁପମ ରୂପ ଧାରିଣ

ହସେ ଏକ ସୁନ୍ଦର ତରୁଣୀ ।

ସେ ମର ଅମର ମିଳନ

ଲଳିତା ଦର୍ଶନ କରି,

ସୁର ବିଦ୍ୟାଧରୀ ସୁବର୍ଣ୍ଣ 

ସତେକି ବୀଣା ଶ୍ରୀକରେ ଧରି ।

ଜ୍ୟୋଛନ୍ନା ହିଲ୍ଲୋଳେ ବିଳାସୀ 

ନୃତ୍ୟ କଲେକ ରଙ୍ଗେ,

ନାଚିଣ ଉଠିଲା ହୃଦୟ 

ମହାନଦୀ ତୁଙ୍ଗ ତରଙ୍ଗେ ।

ପ୍ରେମେ ବଜାଇଲେ ବାଂସୁରୀ 

ସୁରସୁନ୍ଦରୀ ଗଣ,

ଗାଇଲେ ପ୍ରେମର ସଙ୍ଗୀତ

ମନ କଲେ ହରଣ ।

ସୁନ୍ଦରୀ ଶ୍ୟାମାଙ୍ଗୀ ରମଣୀ 

ମଣ୍ଡେ ନିରଜ କାନ୍ତି ,

ଜନ୍ମାଇଲା ମୋ ନୟନେ 

ନବ ନିରଜ ଭ୍ରାନ୍ତି ।

ଅମଳ ଶ୍ୟାମଳ ରୁପସୀ 

ମଞ୍ଜୁ ତନୁର ଛଟା,

ଜିଣିଲା ନିହାରସ୍ପୋଟାରେ 

ମନୋହାରୀଣି ଘଟା।

ସେ ଅପୂର୍ବ ଯୁବତୀର 

ଅପରୂପ ମାଧୁରୀ,

ପ୍ରବହଇ ଭାସିଲା ହୃଦୟ

ଯେହ୍ନେ ଉଡେ ମୟୂରୀ ।

କଳୁଷ କାଳିମା ଅନ୍ତରୁ

ହୋଇଯାଉ ଅନ୍ତର ,

ବାଜିଲା ହୃଦୟ ବିଣାରେ

ତାର ପ୍ରେମ ମନ୍ତର ।