Pritisima Swain

Inspirational


4.0  

Pritisima Swain

Inspirational


ସୋମୁ ପାଇଁ ଲଡ଼ୁ

ସୋମୁ ପାଇଁ ଲଡ଼ୁ

2 mins 25 2 mins 25


ସୁମିତ୍ରା ଦେବୀ ବିବାହ ପରଠୁ ଗଣେଶଙ୍କ ଭଳି ପୁତ୍ର କାମନା କରୁଥିଲେ । ବିବାହର ଅନେକ ଦିନଯାଏ ଶୂନ୍ୟ ଗର୍ଭ ରହିଲେ । ଘରେ ସମସ୍ତେ ବ୍ୟସ୍ତ ହୋଇ ପଡ଼ିଲେ । ଅନେକ ପୂଜା ପାଠ, ଡାକ୍ତର, ମେଡ଼ିସିନ୍ ପରେ ବି କିଛି ଲାଭ ହେଲାନି । ଦିନେ ଜଣେ ବାବା ଗାଆଁକୁ ଆସିଥିଲେ । ସୁମିତ୍ରା ଦେବୀ ବିକଳ ହୋଇ ବାବାଙ୍କୁ ନିଜର ଅସୁବିଧା ବିଷୟରେ କହିଲେ । ବାବା ଜଣଙ୍କ ମୂଷା ପାଳିବାକୁ ଉପଦେଶ ଦେଲେ । ବାବାଙ୍କ କଥା ମାନି ସେ ଧଳା ମୂଷାଟିଏ ପାଳିଲେ । ସବୁଦିନ ତାକୁ ବିଭିନ୍ନ ଖାଦ୍ୟ ଖୁଆଉଥିଲେ । ଏମିତି ବର୍ଷେ ବିତିଗଲା l ହଠାତ୍ ଦିନେ ସେ ମୂଷା କୁଆଡେ଼ ଚାଲିଗଲା । ତାପରେ ଜଣା ପଡ଼ିଲା ସୁମିତ୍ରା ଦେବୀ ଗର୍ଭବତୀ । ସମସ୍ତେ ତାଙ୍କର ଯତ୍ନ ନେଲେ । ବିଭିନ୍ନ ବ୍ୟଞ୍ଜନ ଖୁଆଇଲେ । ଶେଷରେ ସେଇ ସମୟ ଆଗତ ହେଲା । ସୋମୁର ଜନ୍ମ ଗଣେଶ ଚତୁର୍ଥୀ ଦିନ ହେଲା । ସୋମୁ ଭାରି ଗେହ୍ଲା । ସବୁ ବର୍ଷ ସୋମୁର ଜନ୍ମଦିନ ଆଉ ଗଣେଶ ଚତୁର୍ଥୀ ଧୁମ୍ ଧାମରେ ପାଳନ ହୁଏ ।


ଗଣେଶ ଚତୁର୍ଥୀକୁ ଦୁଇ ତିନିଦିନ ଅଛି ଭାବି ସୁମିତ୍ରା ଦେବୀ ପ୍ରଭୁ ଆଉ ପୁଅ ଦୁହିଙ୍କ ପାଇଁ ଅଲଗା ଅଲଗା ଲଡ଼ୁ ତିଆରି କରିବାକୁ ଲାଗିଗଲେ । ରୋଷେଇ ବାସ ଛାଡ଼ି ମନ ଦେଇ ରାଶିଲଡୁ଼, ବାଦାମ ଲଡୁ଼ ତିଆରି କରିଲେ । ପୁଅର ପ୍ରିୟ ବାଦାମ ଲଡ଼ୁ ପ୍ରତିବର୍ଷ ତା ଜନ୍ମଦିନରେ ହୁଏ । ଆୟୋଜନ ଠିକ୍ ଠାକ୍ ଚାଲିଥାଏ । ସକାଳୁ ଆଗ ଠାକୁରଙ୍କ (ଗଣେଶ) ପୂଜା ସରିଲେ, ପୁଅ ପାଇଁ ପୂଜା ଆରମ୍ଭ ହେବ । ନନା(ପୁରୋହିତ) ଆସିଥିବେ ଏକାବେଳକେ ହୋଇଯିବ । ଗିରିଜା ନନ୍ଦନ ତାଙ୍କ ଲଡ଼ୁ ଭାଗ ପାଇଗଲେ । ସୁମିତ୍ରା ନନ୍ଦନ ଅପେକ୍ଷାରେ । ପୂଜା ସରିଲେ ତ ଲଡ଼ୁ ମିଳିବ । ରୋଷେଇ ଘରୁ ବଡ଼ପାଟି କରି ଭୋ ଭୋ ହେଇ କାନ୍ଦି ଉଠିଲେ ସୁମିତ୍ରା ଦେବୀ । ସୁରେଶ ବାବୁ(ସ୍ୱାମୀ) ଦଉଡ଼ି ଗଲେ, ଦେଖିଲେ ସୁମିତ୍ରା ଦେବୀ ମୁଣ୍ଡରେ ହାତ ଦେଇ ରାହାଧରି କାନ୍ଦୁଛନ୍ତି । କଥା କ'ଣ? 

ପୁଅ ପାଇଁ ତିଆରିଥିବା ଲଡ଼ୁ ସବୁ ମୂଷା ଖାଇ ଖଣ୍ଡିଆ କରି ପକେଇଛି । ସଙ୍ଗେ ସଙ୍ଗେ ମା' ଦୂର୍ଗା ସାଜି ହାତରେ ଖଡ୍ଗ (ଛାଞ୍ଚୁଣି) ଧରି ଯୁଦ୍ଧରେ ବାହାରିଗଲେ । ବିଜୟୀ ମଧ୍ୟ ହେଲେ ।

କଳା ମୂଷା ଜୀବନ ବଞ୍ଚେଇ ପ୍ରଭୁଙ୍କ ପାଖକୁ ଦୌଡିଲା । 

ମୂଷା_ ପ୍ରଭୂ ଏ କି ଅବିଚାର ତୁମର, ମୂଷା ଜାତି ସବୁ ସମାନ ।

ଏ ମଣିଷ ଧଳା ରଙ୍ଗର ମୂଷା ପାଇଁ ଅର୍ଥ ବ୍ୟୟ କରେ । ତାର ସମସ୍ତ ଦାୟିତ୍ଵ ନିଏ । ଖାଇବାକୁ ସବୁ ଦିଏ । ଆଉ ଆମକୁ ଏମିତି ଦୂର୍ ଦୂର୍ କରି ତଡିଦିଏ, କାହିଁକି ପ୍ରଭୁ ?

ପ୍ରଭୁ ମନେମନେ ହସିଲେ, ଆଉ କହିଲେ ମତେ ଦିଆଯାଇଥିବା ଲଡ଼ୁ କ'ଣ ମୁଁ ଖାଏ ? ମୂଷା ଉତ୍ତର ଦେଲା ନା ପ୍ରଭୁ, ସେଇ ମଣିଷ ଖାଏ । ତୁ ନଷ୍ଟ କରିଥିବା ଲଡ଼ୁ କ'ଣ ମଣିଷ ଆଉ ଖାଇବ?

ସବୁ ବୁଝିଗଲି ପ୍ରଭୁ ହେଲେ ଧଳା ମୂଷା ? ପ୍ରଭୁ ଉତ୍ତର ଦେଲେ ଆରେ ବୋକା ମଣିଷ ତାକୁ ନିଜ ହିତ ପାଇଁ ଘରେ ରଖେ ।ସ୍ୱାର୍ଥ ପାଇଁ ଖାଇବାକୁ ଦିଏ । ଆଉ ତୁ ସବୁ ଜିନିଷ ନଷ୍ଟ କରୁଛୁ ସେଥିପାଇଁ ମଣିଷ ତତେ ମାଟିରେ ତିଆରି ଲଡୁ ଦିଏ । ସେଇ ମାଟି ଲଡ଼ୁ ଖାଇ ଖୁସି ହେଇଯା । ଏସବୁ ମଣିଷର ମାନସିକତା । 

 ସୋମୁ ସେ ଖଣ୍ଡିଆ ଲଡ଼ୁ ଧରିବାରୁ, ସୁମିତ୍ରା ଦେବୀ ତାକୁ ବୁଝେଇ ଦେଲେ ବାବା ମୁଁ ତୋ ପାଇଁ ଆଉଥରେ ଲଡ଼ୁ କରିଦେବି । ଏସବୁ ବାହାରେ ପକେଇଦେବା ୟାକୁ ଖାଇଲେ ରୋଗ ହେବ । ସୋମୁ ଏବେ ଗଣେଶଙ୍କ ଲଡ଼ୁରୁ ଗୋଟେ ଛଡ଼େଇ ଆଣି ଖାଇବାକୁ ଲାଗିଲା । ପୁଅର ଏମିତି ରୂପ ଦେଖି ବାପା ମା' ହସୁଥିଲେ । 



Rate this content
Log in

More oriya story from Pritisima Swain

Similar oriya story from Inspirational