ସାଧବ ବୋହୂ
ସାଧବ ବୋହୂ
ଦ୍ୱିପାଦେ ଅଳତା
ଦ୍ଵିହାତେ ମେହେନ୍ଦୀ...
ଝଲସୁଥିବ ଗୋରା ଦେହ
ଖାଲି ହଳଦୀ ହଳଦୀ ।
ସଙ୍ଗୀତର ସରଗମ ରେ
ବିବାହ ବେଦିରେ
ନାଚି ଉଠୁଥିବ ତୁମ ମନମୟୂରୀ...
ନାଲି ଚୁଡି ନାଲି ଶାଢ଼ୀ
ନାଲି ଓଢଣାରେ ସଜହେଇ
ବସିଥିବ ପ୍ରିୟା ତମେ ବାଟ ଚାହିଁ ।
ମଥାରେ ସିନ୍ଦୁର ଢାଳି
ଫେରିଯିବ ରାଜକୁମାର
ତୁମକୁ ସାଙ୍ଗରେ ନେଇ...
ଶୁଭ ମହୁରୀର ତାନରେ
ସାହାନାଇ ର ଝଙ୍କାର ରେ
ଚାଲିଯିବ ତମେ ପ୍ରିୟା
ତା ହାତେ ନିଜ ହାତ ଦେଇ ।
ଭଲପାଇବାର ଶିଶିରବିନ୍ଦୁରେ
ହଁ ଭରିଠୁଥିବ ତୁମ ମନ ଅଗଣା,
ସପନର ସେପାରିରେ ଯଦି କେବେ ଫୁରସତ୍ ମିଳେ
ମୁଁ ମନେ ତ ପଡ଼ିବି ନା ।।