ହାତୀ ବନାମ ଧଳା ହାତୀ

    ଜଙ୍ଗଲରେ ଅଜଣା ଆଗନ୍ତୁକଙ୍କୁ ଦେଖି ହାତୀ ଚମକି ପଡିଲା । ପଚାରିଲା, ବାବୁ, ତୁମେ କିଏ ?

  - ମୁଁ ଧଳାହାତୀ । ଆଶ୍ଚର୍ଯ୍ୟ ହୋଇ ତାକୁ ଉପରୁ ତଳଯାଏଁ ଅନାଇଲା ହାତୀ । କହିଲା, କାହିଁ କେଉଁ ଏଙ୍ଗେଲରୁ ବି ତୁମକୁ ହାତୀ ଭଳିଆ ଲାଗୁନାହିଁ ? 

  ଏଥର ଧଳାହାତୀ ହସିଲା । କହିଲା, ଆମକୁ ସେମିତି କୁହାଯାଏ । ତୁମେ ଯେମିତି ମାଆଲକ୍ଷ୍ମୀଙ୍କ ପାଖଲୋକ, ଆମେ ସେମିତି ଧନଲକ୍ଷ୍ମୀଙ୍କ ନିଜଲୋକ ।

  - ତେବେ ହଠାତ୍ ଏପଟେ ? ପଚାରିଲା ହାତୀ ।

  - ତୁମେ ଜାଣିନକି, ରାଜ୍ୟର ଭାବମୂର୍ତ୍ତୀ ନିର୍ମଳ ରଖିବା ପାଇଁ ଏବେ ଧଳାହାତୀ ପକଡ଼ ଅଭିଯାନ ଚାଲିଛି ? ତେଣୁ ଭୟରେ ପଳାଇଆସିଛି ।

  - ପକଡ଼ ଅଭିଯାନ ?

  - ତୁମେ ବୁଝିପାରିବନି ସେ ସବୁ । ତୁମ ପାଇଁ ଯେମିତି ହାତୀଧରା ଯନ୍ତା ଅଛି, ଆମ ପାଇଁ ସେମିତି ସିବିଆଇ, ଭିଜିଲାନ୍ସ, ଇନକମ୍ ଟ୍ୟାକ୍ସ ଭଳି ଧଳାହାତୀଧରା ଯନ୍ତା ଅଛି । 

  - ବାପରେ ବାପ୍! ବଡ଼ ଭୟଙ୍କର ତ ! ତେବେ ଛିଡାହୋଇ ରହିଲ କାହିଁକି ? ଭାଗୋ ! ଉଭୟ ଧାଇଁବାକୁ ଲାଗିଲେ ଜଙ୍ଗଲ ଭିତରକୁ ।