ବନ୍ଧୁ

  ବନ୍ଧୁଟିଏ ଖୋଜି ବନ୍ଧୁ ବାନ୍ଧିଦେଲି 

     ତୁମ ସାଥେ ବନ୍ଧୁ ଆଜି 

  ବନ୍ଧୁର ବନ୍ଧୁତ୍ୱ ମହତ ପଣିଆ 

     କେବେ ଦେବନାହିଁ ଭାଙ୍ଗି ।

  ମୋ ସୁଖ ଦୁଃଖରେ ବିପଦ ଆପଦେ 

     ଠିଆ ହେବ ଆସି ଥରେ 

  କିଛି ଦେବନାହିଁ କିଛି ନେବନାହିଁ 

    ସ୍ୱାର୍ଥପର ଏ ସଂସାରେ ।

   ତୁମରି ହସରେ ଫୁଟେ ପାରିଜାତ 

     ମନେ ଝରିଯାଏ ପିୟୁଷ ଧାର 

   ତୁମରି ଲୁହରେ ମୋ ହୃଦ କାନ୍ଦଇ 

      ଏମିତି ପବିତ୍ର ଆମ ସମ୍ପର୍କ ।

   ବନ୍ଧୁ ସିନା ବୁଝେ ବନ୍ଧୁମନ କଥା 

     ମନ ଥିଲେ ଗୁନ୍ଥା ହୋଇ 

   ଆନକେ ବୁଝିବ ସମ୍ପର୍କ ମହତ୍ତ୍ୱ 

    ସ୍ଵାର୍ଥେ ଯିଏ ଜିଁଥାଇ  ।

   ଯୁଗ ଯୁଗପାଇଁ କାଳକୁ ଏ 

     ବନ୍ଧନ ହୃଦରେ ରହୁ 

   ପ୍ରତି ଜନମରେ ବନ୍ଧୁ ତୁମେ ମୋର 

      ଏମିତି ସମ୍ପର୍କ ଥାଉ ।