💐ତୁମ ପାଇଁ💐

ଦେଖ

ସବୁ କିଛି କହିଦେଇ ଦିନେ

ପାଲଟି ଯାଇଥିଲି ଶୁନ୍ୟଗର୍ଭା

ତୁମେ ମୋ ଭିତରେ

ତୁମେ ମୋ ବାହାରେ

ମୋ ଛାଇ ମୋ ମୁକ ସାକ୍ଷୀ

ମୋ ଜୀବନର ନିରବ ଦ୍ରଷ୍ଟା ।

ତୁମ ପାଇଁ ଦେଖିଥିଲି ସ୍ବପ୍ନ କେତେ

ମୋ ନିଜସ୍ୱ ନିବୁଜ ଇଲାକା ଭିତରେ

ନିଜସ୍ୱ ଭାବରେ,

ତୁମକୁ ନେଇ ମୋ କବିତାର

ପ୍ରତିଟି ପଂକ୍ତି 

ନିରବରେ ଲୁହ ଢାଳୁଥିଲେ

ନିଜସ୍ୱ ଭାବରେ ତୁମ ଅଦୃଶ୍ୟରେ,

ତୁମେ ଭିନ୍ନ ଏକ ଇଲାକାକୁ

ଚାଲିଯିବାପରେ ।

ତୁମ ଅନୁପସ୍ଥିରେ କଲମ ମୁନରେ

ବନ୍ଧା ପଡିଯାଇଛି

ଅସରନ୍ତି ଅକୁହା କଥାଯେତେ,

ତୁମେ ନାହଁ ବୋଲି 

ମୋ ନିଜସ୍ୱ ଇଲାକା ଭିତରେ

ବଦଳି ଯାଇଛି ସମୟ

ବଦଳି ଯାଇଛନ୍ତି ଋତୁମାନେ

ସମସ୍ତଙ୍କ ଅଲକ୍ଷରେ

ତୁମ ନୂଆ ଠିକଣା ବାହାରେ ।

ସତେ କେତେ କଷ୍ଟ ଏଠି

ମନର ଗୋପନ କଥାକୁ

ହୃଦୟ ଠଣାରେ ବାନ୍ଧି ରଖିବାରେ

କେତେ କଷ୍ଟ ସତେ ଏଠି

ନିଜ ମନର ମଣିଷକୁ

ଅଜଣା ପଞ୍ଜୁରୀ ଭିତରେ ଦେଖି

ନିଜ ଅଜାଣତେ ନିଜ ଆଖିର ଲୁହକୁ

ନିଜେ ପିଇ ନିଜେ ହସିବାରେ ।

ଆଜି

ତୁମେ କେବଳ ତୁମେ

ମୁଁ କେବଳ ମୁଁ ।

ଜୀବନ ଯାତ୍ରର ଅକ୍ଷାଂଶ ଦ୍ରାଘିମାର 

ସୀମା ରେଖାର ଚଟାଣରେ

ଲେଖିବାକୁ ଚାହିଁଲେବି 

ଆତିତର ଗାଥା,

ଲେଖି ହୁଏନି ଆଉ

ନିଜସ୍ୱ ଭାବରେ ନଜସ୍ବ ଢଙ୍ଗରେ ।

ତଥାପି କାହିଁକି କେଜାଣି

ବେଳେବେଳେ ଇଛାହୁଏ

କହିଦେବାକୁ ଜୀବନର

ଯେତେସବୁ ଗୋପନ କଥା,

ଶୋଇଯିବି ତୁମ କୋଳେ

ଥରଟିଏ ପାଇଁ ପଛେ ହେଉ

ଗାଇ ଗାଇ ଜୀବନର

ଅନ୍ତିମ ପ୍ରଣୟ କବିତା ।