ଶ୍ରୀରାମାୟଣ ବନ୍ଦନା
ଶ୍ରୀରାମାୟଣ ବନ୍ଦନା
ବନ୍ଦେ ଶ୍ରୀରଘୁନାୟକ ବନ୍ଦେ ରାମାୟଣ l
ବନ୍ଦେ ଜାନକୀ ପାର୍ଥିବୀ ବନ୍ଦଇ ଲକ୍ଷ୍ମଣ ll
ବନ୍ଦେ ଭରତ, ଶତ୍ରୁଘ୍ନ ଭ୍ରାତୃ ଭକ୍ତ ବେନି l
ବନ୍ଦେ ଋଷ୍ୟଶୃଙ୍ଗ ଯଜ୍ଞ କାରୀ ମହା ମୁନି ll
ବନ୍ଦେ ଦଶରଥ ବନ୍ଦେ ବିଦେହ ରାଜନ l
ବନ୍ଦେ ରାଜା ଦଶରଥ ରାଣୀ ତିନି ଜଣ ll
ବନ୍ଦେ ଶ୍ରୀସରଯୁତୀର୍ଥ ଅଯୋଧ୍ୟା ନଗରୀ l
ବନ୍ଦେ ଚିତ୍ରକୁଟ ଧାମ ମୁନି ମନୋହାରୀ ll
ବନ୍ଦେ ବଶିଷ୍ଠ, ଜାବାଳି ବାମଦେବ ମୁନି l
ବନ୍ଦେ ଶ୍ରୀ ସୁମନ୍ତ୍ର ମହାମନ୍ତ୍ରୀ ସୁବିଜ୍ଞାନୀ ll
ବନ୍ଦେ ଜାମ୍ବବାନ ବନ୍ଦେ ଭକ୍ତ ବିଭୀଷଣ l
ବନ୍ଦେ ନଳ, ନୀଳ ସୁଗ୍ରୀ ଭକ୍ତ ହନୁମାନ ll
ବନ୍ଦଇ ବୈଦ୍ୟ ସୁଷେଣ ମୃତ ସଞ୍ଜିବନୀ l
ସୋମିତ୍ରୀଙ୍କୁ ଜିଆଇଲ ନ ପାହୁଁ ରଜନୀ ll
ବନ୍ଦେ ବାଲ୍ମୀକି ତୁଳସୀ ଜୟ ରାମଭକ୍ତ l
ଜଗତରେ ପ୍ରକାଶିଲେ ଶ୍ରୀରାମ ଚରିତ ll
ସୀତା, ଶ୍ରୀରାମ ଚରିତ ଅତି ମନୋହର l
ଅତୀବ ସୁନ୍ଦର, ଅତି ମାଧୁର୍ଯ୍ୟେ ମଧୁର ll
ରାମାୟଣ ସୂର ତରଙ୍ଗିଣୀ, ଛାୟା ତରୁ l
ଶ୍ରୀରାମ ତରଣୀ ନାବ ଏ ଭବ ସଂସାରୁ ll
ବାର ବାର ବାର ପଢ଼ି, ତୃପ୍ତି ନା ଆସଇ l
ପୁନଃ ପୁନଃ ବୁଝି, ଶୁଣି ବୁଝାଇ ଶୁଣାଇ ll
ବନ୍ଦେ ରାମାୟଣ ବନ୍ଦେ ନୟନାଭିରାମ l
ରାମାୟଣ ଶତ କୋଟି ପ୍ରଣାମ ପ୍ରଣାମ ll