ସ୍ୱାଗତ ଭାବନା

ଆସିବ ଆଉ ଜଣେ ନବାଗତ

ନବାଗତ ଯିଏ ସେ ଈଶ୍ୱରଙ୍କ ଦୂତ

ଆଣିଥିବ ନିଶ୍ଚେ ସେ ଖୁସିର ସନ୍ଦେଶ

ଅନ୍ତର ରେ ମୋ ଭରିଦେଇ ଶ୍ରଦ୍ଧା ଓ ବିଶ୍ୱାସ,

କହୁଛି ସେ, ଆସିବି ମୁଁ ଡେରି ନାହିଁ,

ଅପେକ୍ଷା କର ମା,

ଆଉ ଅଳ୍ପ କିଛି ମାସ...

ତାର ଆଗମନି ପ୍ରତୀକ୍ଷାରେ

ଈଶ୍ୱରଙ୍କ ଆରାଧନାରେ

ବିତାଇ ଦେବାକୁ ହେବ,

ବାକିଥିବା ମୁହୂର୍ତ୍ତ ସବୁକୁ..

ସତ୍ଚିନ୍ତା,ସଦାଚାର ସତସଙ୍ଗରେ

ତଲ୍ଲୀନ ହେବାକୁ ପଡିବ,

ଏଇ ମାତୃ ପ୍ରାଣକୁ

ଆନନ୍ଦ ଉଲାସରେ ମଜ୍ଜି ରହି

ଅନାଗତର ସ୍ୱାଗତ ସମ୍ବର୍ଦ୍ଧନାକୁ

ମନରେ ଭାଳି ଭାଳି,

ଜିଇଁବାକୁ ପଡିବ,

ଆଉ ଅବଶିଷ୍ଟ ଦିନକୁ ।