କନ୍ୟା

ସର୍ବଂ ସହା ମା ଜଗତପୂଜ୍ୟା ମା

ଚିରବନ୍ଦ୍ୟା ମା ମମତଦାୟିନୀ ମା

କରୁଣାମୟୀ ସେ ମା

ତିନି ରୂପେ ସ୍ଥିତ ସେ,

ଜନନୀ ଭଗିନୀ ଜାୟା.

ତଥାପି ବି କାହିଁ, ମନ ହୁଏ ଆନମନା

ଜାତ ହେଲେ କନ୍ୟା...

ଗର୍ଭସ୍ଥ ଭୃଣ ବେଳୁ ହିଁ,

ସହିବାକୁ ପଡେ ତାକୁ ନାନା ନିର୍ଯାତନା..

ବେଳେବେଳେ ଦେଖାଯାଏ

କନ୍ୟାଭ୍ରୂଣ ନଷ୍ଟ ହୁଏ..

ସତେଯେମିତି, ଗର୍ଭରୁ ବାହାରିବା

ତାର ପାଇଁ ମନା..

ଗର୍ଭବତୀ ମା କୁ ସହିବାକୁ ପଡେ ଗର୍ଭନଷ୍ଟ ର ବେଦନା

କାହିଁକିନା, ତା ଗର୍ଭରେ ନାହିଁ ପୁତ୍ର...

ଅଛି ଗୋଟେ କନ୍ୟା..

କନ୍ୟା ଜାତ ଯଦି ହୁଏ

ଆଗକୁ ପୁତ୍ର ଆସିବ,

ଏହି କଥା ର ଛୁଟି ଆସେ ଶହ ଶହ ସମବେଦନା

କନ୍ୟା ଅନନ୍ୟା, କନ୍ୟା ଯୋଗୁଁ ଜଗତ ଧନ୍ୟା,

ଏସବୁ ଖାଲି କହିବା କଥା ସିନା,

କାମରେ କେବେ ଲାଗେନା..

ଯୌତୁକ ଜୁଇ ରେ କନ୍ୟା

ଭୁଲୁଣ୍ଠିତ ଇଜତ ର ଦବାନାଳ ରେ ବି କନ୍ୟା

ପକ୍ଷକଟା ପକ୍ଷୀ ଟିଏ ସିଏ

ତା ପାଇଁ ସାମାଜିକ ନିୟମ ର ବେଡି

ଖୋଲା ଆକାଶ ତା ପାଇଁ ମନା..

ଯେତେବେଳେ ଯେତେବେଳେ ବିପଦ ପଡିଛି,

ମା ର ସହଭାଗିତା ରେ ବିପଦ କଟିଛି

କିନ୍ତୁ, ସେହି ମା ର,

ସମ୍ମାନ ର ସୁରକ୍ଷା ର ସହଯୋଗ ପାଇଁ

ସାମାଜିକ ଦୃଷ୍ଟିଭଙ୍ଗୀ କାହିଁକି ଊଣl !!!