ପ୍ରେମର ମଞ୍ଜୁରୀ

 

ମୋ ମନ ଭିତର    ଭାବନାକୁ ଆଜି

      ପାରିଲି ପ୍ରକାଶ କରି ;

ହୃଦୟ ଯାଉଛି    ଶିହରି ମୋହର

      ସାହସ ଯାଉଛି ହାରି ।

ଆଖି ପଲକରେ     ଛବି ତୁମ ଦେଖେ

      ଜହ୍ନ ରାଇଜରେ ହଜି ;

ମୋ ମନ ଆକାଶ     ମୃଦୁ ଜୋଛନାରେ

      ପାଉଛି ତୁମକୁ ଖୋଜି ।

ଦୃଢ ଚିତ୍ତ ଧରି     ପ୍ରେମର ପ୍ରସ୍ତାବ

     ପାରିଛି ତୁମକୁ କହି ;

ଉତ୍ତର ଆଶାରେ    ଚାହିଁ ବସିଛି ମୁଁ 

     ଖୋଲି ମୋର ନେତ୍ର ଦୁଇ ।

ପ୍ରେମ ପ୍ରସ୍ତାବର     ଦିବସେ ମାଗିଛି 

      ତୁମର ପ୍ରେମ ମଞ୍ଜୁରି ;

ଉତ୍ତର ଆଶାରେ    ହୃଦୟ ମୋହର 

     ହେଉଛି ଅଥୟ ଭାରି ।

ମଞ୍ଜୁରି ପାଇବି     ଏଇ ଭାବନାରେ 

     ଭାବିଛି ଅନେକ କଥା ;

ଅସୁମାରୀ ଆଶା     ହୃଦୟ ବୁକୁରେ 

     ତୁମରି ଭାବନା ଗୁନ୍ଥା ।

ଉତ୍ତର ତୁମର     ହଁ ହେଉ ଅବା ନାଁ

      ଫରକ ପଡିବ ନାହିଁ ;

ଭଲ ପାଉଥିବି     ତୁମକୁ ଜୀବନେ 

      ଜୀଇଁ ଥିବା ଯାଏ ମୁହିଁ ।