ଲାଇବ୍ରେରୀ
ପ୍ରୋଫାଇଲ୍
ନଦୀ ପାଇଁ ଗୀତ ଟିଏ
ନଦୀ ପାଇଁ ଗୀତ ଟିଏ
1 min
251
ରୂପ ନିଏ ତଟିନୀ ଝରଣା ଦେହରୁ
ଯେବେ ଜଳଧାର ତାର ଖସି ପଡେ
ପାହାଡ଼ର ମଥାନରୁ
ନଦୀ ସେତ ନାରୀଟିଏ
ରୁମଝୁମ ଘୁଙ୍ଗୁର ଶବ୍ଦେ
ଉଛୁଳାଇ ବନାନୀ
କେତେ ଶିଳା ପଥର ଡେଇଁ
ବଣ ଜଙ୍ଗଲେ ଥାଏ ଧାଇଁ
ଅଙ୍କେଇ ବଙ୍କେଇ ଚାଲେ
ସମତଳ ଛୁଇଁ l
ଦିଗନ୍ତ ରୁ ଦିଗନ୍ତ
ନୀଳ ନଭନିମା ଛୁଇଁ
ବାଧା ବିଘ୍ନ କୁ ଭୃକ୍ଷେପ ନ କରି
ଆଗେଇ ଚାଲରେ ସେ
ଧର୍ମ ସଂସ୍କୃତି ସଭ୍ୟତାର
ଗୀତ ଗାଇ ଗାଇ
କହି ଚାଲେ ସେ
ଶସ୍ୟ ଶ୍ୟାମଳା ସମୃଦ୍ଧ ଭରା
କେତେ ଯୁଗର କେତେ କାହାଣୀ
ହସି ହସାଏ ଦୁଇ କୂଳର ଭୂଇଁ l
ପବିତ୍ର ପୁଣ୍ୟତୋୟା ସେ
ଶତ ସହସ୍ର ନାମ ବହି
କେଉଁଠି ବ୍ରହ୍ମପୁତ୍ର କେଉଁଠି ଜାହ୍ନବୀ
ଆମାଜନ କେଉଁଠି ନାଇଲ ବା କାହିଁ
ସସାଗରା ଧରା ର ଅଟେ ସେ ଧମନୀ
ସ୍ପନ୍ଦନେ ତାର ଜୀବଜଗତ
ରହିଛନ୍ତି ଜିଇଁ
ସାରା ସଂସାରର ଜୀବନ ରକ୍ଷକ ସିଏ
ମଥାନତ ସେହି ପବିତ୍ର ଜଳଧାରେ l
