ମନ ଝରଣା
ମନ ଝରଣା
ମନ ଭାରି ଅମାନିଆ ଚଳନ୍ତି ଝରଣା
ଆଶା ଖୋଜେ ମନଲାଖି ହୁଏ ବାଟବଣା ।
ବହିଯାଏ ଅହରହ ଏ କୂଳେ ସେ କୂଳେ
ମଧୁଧାରା ଯୋଡ଼ା ତା'ର ସଞ୍ଜରୁ ସକାଳେ ।
କେତେ ରୂପ ଆଙ୍କି ଥାଏ ମନ ପାହାଡ଼ରେ
କେତେ ସ୍ୱପ୍ନ ଦେଖୁଥାଏ ନ ଶୋଇ ନିଦରେ ।
ଆଶା ତା'ର ଅସୁମାରୀ କଳ୍ପନା ରାଇଜେ
ଚାନ୍ଦ ଖୋଜି ବୁଲୁଥାଏ ଉଆଁସେ ତା' ଶେଜେ ।
ମନ ଝରଣା ମିଶେ ଜୀବନ ନଦୀ ତୀରେ
ଆଦର୍ଶ ସାଜିବ ଧୈର୍ଯ୍ୟ ସଂଯମ ବଳରେ ।
ନ ରୂପେ ସୁନ୍ଦର ଚିତ୍ରପଟ୍ଟେ ମନଟଣା
ଧନ୍ୟ ସେ ସୃଷ୍ଟି ଅନନ୍ୟା ଏ ମନ ଝରଣା ।