ମଧୁମିତା -୧

ବିବାହ ବାର୍ଷିକୀ

ନୁହଁଇ ଇଏତ

ଆମ ପ୍ରେମ ଜନ୍ମ ଦିନ ।

ଦୁହେଁ ତ ଦୁହିଁକୁ

ବୁଝି ଚଢିବାକୁ

ନୂଆ ସରାଗ ସୋପନ ।୧।

ବୁଝାମଣା ନୁହେଁ

ଉତ୍ସର୍ଗ ତ ଇଏ

ଜଣକର ଆନ ପାଶେ ।

ଯେତେ ଝଡ ଝଞ୍ଜା

ସେତେ ସୁଖ ଖଞ୍ଜା

ଦୁଃଖ କଟଇ ନିମିଷେ ।୨।

ତମେ ମୋ ଜୀବନେ

ଆସିଲ ମଉନେ

ଫୁଲରେ ମଣ୍ଡାଇ ଗଭା ।

ଚାରିଟା ଦିନରେ

ମନ ଆସନରେ

ବସି ପ୍ରକାଶିଲ ଆଭା ।୩।

ବଦରାଗି କଡା

ଗମ୍ଭୀର ଓ ତେଢା

ଅହଂକାରୀ ଆଗୁଥିଲି ।

ତମ ପରଶରେ

କେଇଟା ଦିନରେ

ସଂପୂର୍ଣ୍ଣ ବଦଳି ଗଲି ।୪।

ତମ ଦିଲ ଖୋଲା

ହସର ପସରା

ବରଷି ଦେଇଛି ସୁଧା ।

ତମ ବିନା ମତେ

ଏ ସାରା ଜଗତେ

ଲାଗେ ଖାଲି ଅଧା ଅଧା ।୫।

ବିବାହ ବାର୍ଷିକୀ

କହନା ଲୋ ଗୋରୀ

ଇଏ ସଂକଳ୍ପର ବେଳ ।

ଖୁସିରେ ଏ ସନ

ରଖିବି ତୋ ମନ 

ଦୁଃଖ ଦେବିନି ଲୋ ତିଳ ।୬।

ମୋ ପାଇଁ ଯାତନା

ଦେହ କୁ ନିଏନା

ଆଗରୁ ଦେଇଛି ଯେତେ ।

ଆଜିଠାରୁ ରାଣୀ

ପରି ମନ ଜାଣି

ଗେହ୍ଲାରେ ରଖିବି ତୋତେ ।୭।