ମାଆ ପାଇଁ ଦୁଇଟି ଅର୍ଘ୍ୟ
ମାଆ ପାଇଁ ଦୁଇଟି ଅର୍ଘ୍ୟ
ମାଆ ଗୋ! ! ତୋ ପଣତରେ
ମୁଁ ତ ଆଉ ପୋଛୁ ନାହିଁ ହାତ,
ଏ ବିଦ୍ରୋହ କାହା ପାଇଁ ତେବେ ?
ମୁଁ ଯାହା କରିଛି ଦୋଷ
ସବୁ କ'ଣ ଗଙ୍ଗା ଜଳେ ଯିବନାହିଁ ଭାସି ?
ମାଆ ଗୋ, ତୁ' ଜାଣିନୁ
ମନ୍ଦିରରେ ମୁଣ୍ଡିଆ ମାରି
ପ୍ରସାଦ ସେବନ ପରେ
ମୋ'ମୁଣ୍ଡରେ ତୁ' ବୁଲାଉ ହାତ,
ଜନ୍ମ-ଜନ୍ମାନ୍ତରର ଶୁଭ ମନାସୁଥାଉ !
ମୁଁ ହଜିଯାଏ ତୋହରି ରକ୍ତରେ
ମୁଁ ଦେଖେ ରକ୍ତରେ ଫୁଟେ
ମମତାର ଫୁଲ !
ମାଆ ମୋତେ କ୍ଷମା ଦେ'
ମହେଞ୍ଜୋଦାରୋରେ ଯାହା ମିଳିନାହିଁ
ତାହା ମିଳେ ତୋହରି ସ୍ନେହରେ !
ମାଆ ଗୋ,ତୁ' ସବୁଠୁ ପ୍ରାଚୀନତମା
ମୋ ଖନନେ |