ମା ଭଗବତୀ ତୁହି ଆଦିଶକ୍ତି

 ମା ଭଗବତୀ ଅଟୁଗୋ ତୁହି ଆଦିଶକ୍ତି

 ଅଜ୍ଞାନକୁ କରିଦିଅ ମୁକତି ଗୋ ମୁକତି

 ମା ଭଗବତୀ ଅଟୁ ଗୋ ତୁହି ଆଦିଶକ୍ତି।

 ପ୍ରଥମେ ତୁ ଆଦିଶକ୍ତି ହେ ମହାମାୟା,

 ତୋଦେହରୁ ଜାତକଲୁ ଅନେକ ଛାୟା,

 କିଏ ହେଲେ ମଙ୍ଗଳା,କିଏଗୋ ମାଶାରଳା

 ଚଣ୍ଡି ଚାମୁଣ୍ଡା ହୋଇ ଜଗତେ କଲେ ଖେଳା

 କେଉଁଠି ତୁ ତାରିଣୀ,କାଘରେ ଠାକୁରାଣୀ

 ଦେବୀ ଦୁର୍ଗା ନାମରେ ସଂସାରେ ଅଛୁପୁଣି

 ତୋଠାରେ ଅଛି ମହାଶକତି ଗୋ ଶକତି।

 ମା ଭଗବତୀ ଅଟୁ ଗୋ ତୁହି ଆଦିଶକ୍ତି।

 ଦୁର୍ଗା ନାମଟି ତୋହର ଜଗତେ ଖ୍ୟାତ

 ଦେବତାଙ୍କ ହିତ ପାଇଁ ହୋଇଲୁ ଜାତ

 ସକଳ ଦେବଗଣ, ତୋତେ କଲେ ସ୍ମରଣ

 ସବୁ ଦେବଙ୍କ ଅସ୍ତ୍ର କରିଲୁ ତୁ ଧାରଣ

 ମୋହିନୀ ଋପଧରି ପର୍ବତେ ଥିଲୁ ବସି

 ଉସ୍ବାସ କଲୁ ଧରା ଶମ୍ଭୁ ନିଶମ୍ଭୁ ନାସି

 ମହିଷାସୁରକୁ କଲୁ ମୁକତି ଗୋ ମୁକତି।

 ମା ଭଗବତୀ ଅଟୁ ଗୋ ତୁହି ଆଦି ଶକ୍ତି।

 ବିଜୟା ଦଶମୀ ହୁଏ ଆଶ୍ଵିନ ମାସେ

 ଦେଶେ ଦେଶେ ପୂଜାପାଉ ମନହରସେ

 ଦଶଭୁଜାରେ ତୋର ଦଶଗୋଟି ପ୍ରହାର

 ଗଳାରେ ଲମ୍ବିଥାଏ ମନ୍ଦାର ଫୁଲହାର

 ରଙ୍ଗବସ୍ତ୍ରରେ ମାଗ ଦିଶୁ କେଡେ ସୁନ୍ଦର

 ତୋର ଦର୍ଶନ ପାଇଁ ଆତୁର ଭକ୍ତଙ୍କର

 ସଭିଙ୍କୁ ଦିଅସୁଖ, ସୂର୍ଯ୍ୟ କରେ ବିନତୀ 

 ମା ଭଗବତୀ ଅଟୁ ଗୋ ତୁହି ଆଦିଶକ୍ତି।