ଜୟ ମୃତ୍ୟୁ ମହାତୀର୍ଥ
ଜୟ ମୃତ୍ୟୁ ମହାତୀର୍ଥ
ଜୀବନ ଯେଉଁଠି ଅଲୋଡ଼ା ସମ୍ପର୍କେ
ଆତ୍ମୀୟଙ୍କ ଆର୍ତ୍ତନାଦ ,
ମୃତ୍ୟୁ ତ ସେଇଠି ଅପେକ୍ଷାର ଅନ୍ତ
ପ୍ରତିକ୍ଷିତ ପୂର୍ଣ୍ଣଛେଦ ।
ଜୀବନ ଯେଉଁଠି ହତାଶା, ନିରାଶା
ବେଦନାର ଅନୁଚ୍ଛେଦ ,
ମୃତ୍ୟୁ ତ ସେଇଠି ନିମନ୍ତ୍ରଣ ବିନା
କଷଣର ଚିର ଅନ୍ତ ।
ଜୀବନ ଯେଉଁଠି ପରିତ୍ୟକ୍ତ ଭଗ୍ନ
ଛଳନାର ଶଦ୍ଦମାନ ,
ମୃତ୍ୟୁ ତ ସେଇଠି ଅସ୍ପଷ୍ଟ ଅକ୍ଷରେ
ଚିରସ୍ଥାୟୀ ସମାଧାନ ।
ଜୀବନ ଯେଉଁଠି ସମ୍ମାନ ରହିତ
ଭିନ୍ନ ସ୍ଵର ସବୁ ସ୍ବାର୍ଥ ,
ମରୁଭୂମି ମଧ୍ୟେ ମନ୍ଦାକିନୀ ଧାରା
ଜୟ ମୃତ୍ୟୁ ମହାତୀର୍ଥ ।