ଜୀବନ
ଜୀବନ
ହାରିଗଲ ବୋଲି ଡରିଯାଅ ନାହିଁ
ମନରେ ସାହସ ବାନ୍ଧ ।
ବଢିବାର ଅଛି ଆଗକୁ ତୁମକୁ
ହୋଇଯାଅ ନାହିଁ ଅନ୍ଧ ।।(୧)
ହାରିଗଲି ବୋଲି ଡରିଯିବ ଯେବେ
କେହି କରିବେନି ଆହା ।
ଆତ୍ମବିଶ୍ୱାସ ଭାଙ୍ଗି ଗଲେ ଥରେ
ଭୁଲିଯିବ ତୁମେ ରାହା ।।(୨)
ନିଜର ମନକୁ ବୁଝାଇ ଦିଅ
ମନରେ ରଖ ଦମ୍ଭ ।
ଚାଲିବାକୁ ବାକି ଅଛି ବହୁ ବାଟ
ଏଇଠୁ ହେଲା ଆରମ୍ଭ ।।(୩)
ଜୀବନରେ ଯେବେ ଆଗକୁ ବଢିବ
ଏବେ ଡରିଯାଅ କାହିଁ ?
ତୁମ ସାଙ୍ଗସାଥୀ ସଭିଙ୍କୁ ପଚାର
କିଏ କେବେ ହାରିନାହିଁ ? (୪)
ହାରୁହାରୁ କିଏ ଜିତି ଯାଇପାରେ
ଜିତୁଜିତୁ କିଏ ହାରେ ।
ଜୀବନ ଯୁଦ୍ଧରେ ହାରିଯାଏ ସିଏ
ପରିହାସକୁ ଯେ ଡରେ।।(୫)
ହାରିଗଲି ବୋଲି କେବେ ବି କେହି
ଦୁଃଖ କର ନାହିଁ ମନ ।
ହାରିଯିବ କେବେ ଜିତିଯିବ କେବେ
ହାର୍ ଜିତ୍ ହିଁ ଜୀବନ ।।(୬)