🔱ଝରକା ସେପାଖେ ଦୁର୍ଗା🔱

ନିରବି ଯାଇଛି ଯା ଦେବୀ ସର୍ବ ଭୂତେଷୁ ର ସ୍ତୋତ୍ର ସ୍ୱର

ଲିଭି ଯାଇଛି ପ୍ରତିଶୋଧ ର ବହ୍ନି

ତ୍ରିଶୂଳ ରୁ ଝରି ଯାଉଛି ରକ୍ତ ର ତ୍ରିଧାରା

ଉନ୍ମୁକ୍ତ କବରୀ ରେ ପଡ଼ି ଯାଇଛି ଗଣ୍ଠି

ପ୍ରଶମିତ ହୋଇଛି କ୍ରୋଧ ର ଜ୍ୱାଳା 

ମୁକ୍ତି ଆଜି ଛାତି ଫୁଲେଇ ହସୁଛି

ଉଶ୍ବାସିତ ମେଦିନୀ...ଚୌଦିଗେ ଶାନ୍ତି ଶାନ୍ତି ଶାନ୍ତି 

ବୋଧହୁଏ ରାବଣ ମରିଗଲା

ଆରେ ଏ କଣ.....ତଥାପି କାହାର କୋହ ଭରା ଆକୁଳ ଚିତ୍କାର

ମୋତେ ରକ୍ଷା କର 

ମୋତେ ରକ୍ଷା କର 

ମୋତେ ରକ୍ଷା କର 

ଏ ତ ଦୁର୍ଗା

କିଏ ନେଲା ତା ଶକ୍ତି

କୁଆଡ଼େ ଗଲା ତା ତେଜ

କାହିଁକି ନିଷ୍ପ୍ରଭ ତା ପ୍ରଭା

ସରିନି ଆହୁରି ଅଛି

         ତା ଯନ୍ତ୍ରଣା ର ଗାଥା

         ତା ଆକୁଳତା ର କଥା

         ତା ମରମ ର ବ୍ୟଥା 

         ତା ତ୍ୟାଗ ଭରା କାହାଣୀ ର ଯୁଗ ଯୁଗ ପ୍ରଥା