ଜଗା

ମଉଡମଣି ମୋ କଳାବାମନ,

ଦିନେ ନଦେଖିଲେ ତତେ ଝୁରେ ମୋ ମନ।

ମୟୂରଚୂଳିଆ ମୋ ଧନଶଙ୍ଖାଳି,

ତୋ ବିନା ଏ ଜୀବନ ଯାଏ ରେ ଜଳି।

ନୟନପିତୁଳା ମୋ ଗଳାର ହାର,

ତତେ ଛାଡ଼ି ସବୁ କରିଲି ପର।

ଇଚ୍ଛାବିହାରୀ ମୋ ମୂରଲୀଧର,

ଗଣ୍ଠିଧନ ତୁହି ଭକ୍ତଜନର।

ରତନ ବେଦୀରେ ବସିଛୁ ସାଇଁ,

ଏତେ ଅଭିମାନ କହ କିମ୍ପାଇଁ।

ପାଣି ବିନା ଯେହ୍ନେ ମୀନ ବ୍ୟାକୁଳ,

ତତେ ନ ପାଇ ମୁଁ ହେଲି ପାଗଳ।

ତୁ ସିନା ଜାଣିଛୁ ମୋ ମନ ବେଦନା,

କେମିତି ବୁଝୁନୁ କାଳିଆ ସୁନା?

ସୂର୍ଯ୍ୟ, ଚନ୍ଦ୍ର ସମ ତୋ ଦୁଇ ଆଖି,

ଆଖିରେ ମୋ ମନ ଯାଉଛି ଲାଖି।

ଯେତେଦିନ ଥିବି ଭବସାଗରେ,

ରହିଥିବ ମନ ତୋ ପଦ୍ମପାଦରେ।।