ହେଲି ନିଜ ଗୁଣେ ଗୁଣୀ
ହେଲି ନିଜ ଗୁଣେ ଗୁଣୀ
ମୋତେ କିଏ କେତେ ଘୃଣା କରେ ପୁଣି କିଏ ଭଲ ପାଉଥାଏ,
ଏକଥା ନିଶ୍ଚୟ ମୋର ନାମଟିକୁ ସ୍ମରଣ କରନ୍ତି ସିଏ ।
ଘୃଣା କରୁଥିଲେ ମୋ ନାମ-କାମକୁ ହୃଦୟରେ ରଖିଥାଏ,
ଭଲ ପାଉଥିଲେ ମସ୍ତିଷ୍କରେ ରଖି ମୋ କଥା କାହାକୁ କହେ ।
କେହି ଯଦି ମୋତେ ଈର୍ଷା କରୁଥାଏ, ସିଏ ମୋର ପୂଜନୀୟ,
ଜିଦିକୁ ବଢ଼େଇ ଉଚ୍ଚକୁ ଉଠେଇ ଦେଲେ ସେହି ମହାଶୟ ।
ମୋର ଦୋଷ ତ୍ରୁଟି ଦୁର୍ବଳତା ଦେଖି ଯିଏ ଗାଳି ଦେଉଥିଲେ,
ତାଙ୍କୁ ଡରିବାରୁ ନିର୍ଦ୍ଦୋଷ ମଣିଷ ସିଏ ମୋତେ କରିଦେଲେ ।
ମୋତେ ଯିଏ ବୋକା ଭାବୁଛନ୍ତି ତାଙ୍କୁ ଦେବି ମୁହିଁ ଧନ୍ୟବାଦ,
ଶକ୍ତ ହୋଇଛି ମୁଁ ମୋ ଗତିପଥକୁ କରିବାରୁ ପ୍ରତିରୋଧ ।
ମୋତେ ଯେଉଁମାନେ ଉପେକ୍ଷା କରନ୍ତି, ସେମାନଙ୍କ ପାଶେ ଋଣୀ,
ଉପେକ୍ଷା ଅଦେଖା ହେବାରୁ ମୁଁ ନିଜେ ହେଲି ନିଜ ଗୁଣେ ଗୁଣୀ ।