ଗୁରୁ ପୂର୍ଣ୍ଣିମା

ନର ଦେହେ ଦେଖ ନାରାୟଣ ବିଜେ

         ସେହି ଆମ ଗୁରୁଦେବ

ଗୁରୁଙ୍କୁ ନ ଚିହ୍ନି ଅବହେଳା କଲୁ

         ତେଣୁ ପାଉ ପରାଭବ l

ଗୁରୁ ପିତା ମାତା ଗୁରୁ ଗୁରୁଜନ

           ଗୁରୁ ଆମରି ଶିକ୍ଷକ

ତାଙ୍କରି ଆଶିଷେ ବଞ୍ଚିଛୁ ବଢ଼ିଛୁ

        ଜୀବନ ପଥେ ଆଲୋକ l

ସନାତନ ହିନ୍ଦୁ ପରମ୍ପରା ଏହି

           ଆବହମାନୁ ଚାଲିଛି

ଗୁରୁ ପାଦତଳେ ମଥା ପାତେ ଶିଷ୍ୟ

          ଗାରିମା ପଦବୀ ମୁର୍ଚ୍ଛିl

ଏକଲବ୍ୟ ତାର ଜ୍ୱଳନ୍ତ ପ୍ରମାଣ

         ଉପମନ୍ୟୁ ଆଦି କେତେ

ଦିନ ଯାଇଅଛି ସ୍ମୃତି ରହି ଅଛି

        ଗୁରୁ ଲାଗି ତ୍ୟାଗ ଯେତେ l

ଆଜି ମଧ୍ୟ ବହୁ ପୁତ୍ର କନ୍ୟା ଶିଷ୍ୟ

      &

Advertisement

nbsp;     ବନ୍ଦନ୍ତି ଗୁରୁ ଚରଣ

ଧନ୍ୟ ସେ ସଂସ୍କାର ପିତା ମାତା ତାର

          ଗୁରୁଦେବ ତାଂକ ଧନ୍ୟ l

ବୃକ୍ଷ ଯେଉଁ ପରି ସେହି ପରି ଫଳ

           ଫଳିବ ଏହା ପ୍ରମାଣ

ସେହିପରି ମନ ଉଣାକର ନାହିଁ

           ବିଧିର ଯାହା ବିଧାନ l

ବହୁ ପୁତ୍ର କନ୍ୟା ପଚାରୁ ନାହାଁନ୍ତି

          ପିତା ମାତା ଓ ଗୁରୁଙ୍କୁ

ଭାବି ନିଅ ଏହା ତାଙ୍କ ଦୋଷ ନୁହେଁ

           ଦଇବ ଦଣ୍ଡ ତୁମକୁ l

ଗୁରୁ ପୂର୍ଣ୍ଣିମା ର ପବିତ୍ର ଲଗ୍ନରେ 

         ବ୍ୟାସଦେବଙ୍କୁ ପ୍ରଣାମ

ଆମ ଧର୍ମ ଧାରା ଆମରି ସଂସ୍କୃତି

            ରହିଥାଉ ଅମଳିନ l