ଗୁରୁ ଦିବସ

ସେପ୍ଟେମ୍ବର ପାଞ୍ଚ ତାରିଖରେ ଥରେ 

               ଆସଇ ଗୁରୁ ଦିବସ 

ଆନ୍ଦ୍ର ପ୍ରଦେଶରେ ଶ୍ରୀ ରାଧାକ୍ରିଷ୍ଣନ 

             ଜନମି ଥିଲେ ଅବଶ୍ୟ |

ପଲ୍ଲୀ ଗ୍ରାମେ ଜନ୍ମି ଗରିବ ବାଳକ 

              ପ୍ରଚଣ୍ଡ ଜ୍ଞାନ ବଳରେ 

ଶାସ୍ତ୍ର ଯୁକ୍ତି ବଳେ ବିମୋହିତ କଲେ 

             ପ୍ରାଚ୍ୟ ପ୍ରାଶ୍ଚାତ୍ୟ ନରେ |

ମାନ୍ଦ୍ରାଜର ବିଶ୍ଵବିଦ୍ୟାଳୟ ମଧ୍ୟେ 

              ଦର୍ଶନ ଶିକ୍ଷକ ହୋଇ 

ଶ୍ରେଷ୍ଠ ଗୁରୁ ଭାବେ ସୁନାମ ରଚିଲେ 

              ଅନେକ ସମ୍ମାନ ପାଇ |

ଉପରାଷ୍ଟ୍ରପତି ପୁଣି ରାଷ୍ଟ୍ରପତି 

              ଋଷ ରାଷ୍ଟ୍ରଦୂତ ଭାବେ 

ଭଲ କାର୍ଯ୍ୟ କରି ରଖିଗଲେ ଯଶ 

             ସୁଖ୍ୟାତି ରଚିଲେ ଭବେ |

ମହାନ ବ୍ୟକ୍ତିଙ୍କ ଜନ୍ମ ଦିବସକୁ 

                ଗୁରୁ ଦିବସଟି କହି 

ପୂଜ୍ୟ ପୂଜା ଅଟେ ଆମର ସଂସ୍କୃତି 

              ଦେଶର ଗୌରବ ଏହି |

ବାପା ମାଆ ଗୁରୁ ଆମ ହିତାକାଂକ୍ଷୀ 

             ସମ୍ମାନ ତାହାଙ୍କୁ ଦେବା 

ଆଶୀର୍ବାଦ ତାଙ୍କ ମଥାପରେ ରଖି 

              ଜୀବନ ଧନ୍ୟ କରିବା l