ଗରିବ ପାଇଁ ନ୍ୟାୟ ର ସଂଜ୍ଞା
ଗରିବ ପାଇଁ ନ୍ୟାୟ ର ସଂଜ୍ଞା
"ନେତା ମନ୍ତ୍ରୀ ଯୁଗ ଆସିଗଲା ଭାଇ
ଟଙ୍କା ଦେଇ କିଣ ନ୍ୟାୟ
ଅଦାଲତ ଏଠି ଲୁଚକାଳି ଖେଳେ
ଏଠି ଦୁର୍ନୀତିର ହୁଏ ଜୟ "
"ନ୍ୟାୟ ର ପତାକା ଭାଙ୍ଗି ପଡିଛି
ଆଜି ଉଡ଼ୁଛି ଅନ୍ୟାୟ ବାନା
ସତ୍ୟ ର ମନ୍ଦିର ଭୁଶୁଡି ପଡିଛି
ଏଠି ଗରିବକୁ ନ୍ୟାୟ ମନା
"ଦୁଷ୍କର୍ମକାରୀ ଯେ ଦେବତା ସାଜିକି
ଦିଏ ଭାଷଣ ଭଳିକି ଭଳି
ଆମେ ଯେ ପଣ୍ଡିତ, ତା ଭାଷଣ ଶୁଣି
ଆନନ୍ଦେ ମାରୁଛେ ତାଳି "
"ନ୍ୟାୟ ଭିକ୍ଷା ପାଇଁ ଅଦାଲତ ଗଲେ
ମିଳେ ତାରିଖ ଉପରେ ତାରିଖ
ହେଲେ ନ୍ୟାୟ ର ତାରିଖ କେବେ ଆସେନାହିଁ
ଆଇନ୍ ବୁଝେନି ଗରିବ ଦୁଃଖ "
"ଗରିବ ହେଲେ ବି, ନାଗରିକ ମୁ
ନ୍ୟାୟ ପାଇବା ମୋ ଅଧିକାର
ଏଇ ଗରିବ ଭୋଟ୍ ରେ ନେତା ସାଜିକି ତୁ
ଆଜି କରୁଛୁ ଆମକୁ ଧିକାର "