ଏପାରିରୁ ଚିଠିଟିଏ
ଏପାରିରୁ ଚିଠିଟିଏ
ମାଆ ତୁମେ ଗଲା ପରେ ଏବେ
ମୁଁ ସମ୍ପୂର୍ଣ୍ଣ ଭାବେ ଏକା ।
ସମ୍ପର୍କର ଅନେକ ରଙ୍ଗରେ ରଙ୍ଗେଇ ହୋଇବି
ଆଜି ମୁଁ ଏକାବେଳେ ଫିକା ।।
ତୁମେ ପରେ ଦିନେ ହଠାତ୍ ବାପା ବି
ମୋ ଠୁ ହାତ କାଢ଼ିନେଲେ ନିଜର ।
ଏ ସମାଜ ସାମ୍ନାରେ ଏକ ପ୍ରମାଣ ପତ୍ର
ଦେଇ ଚାଲିଗଲେ ଅନାଥର ।।
ଏଠି ମୁଁ ଯେତେଥର ଯାହାକୁ ବି ନିଜର କରୁଛି ।
ପୁଣି ସେତେଥର...
ମୁଁ କାଳେ ତାଙ୍କ ନିଜର ନୁହେଁ
ବୋଲି ପ୍ରମାଣ ବି ପାଇଛି ।।
ଏଠି ସମସ୍ତେ ସ୍ୱାର୍ଥପରର ମୁଖା ପିନ୍ଧି ବୁଲୁଛନ୍ତି
ନିଜ ସ୍ବାର୍ଥ ହାସଲର ସଂକଳ୍ପ ନେଇ ।
ସତରେ ମାଆ ଆଜି ମୁଁ ବହୁତ କ୍ଳାନ୍ତ
ବାରମ୍ବାର ନିଜର ହେବାର ପରୀକ୍ଷା ଦେଇ ।।
ଆଉ ମୁଁ ପାରୁନି ସହି କି
ପାରୁନି କାହାକୁ ବି କହି ।
କଣ କଲେ ପୁଣିଥରେ ତୁମ କୋଳକୁ ଫେରିବି
ଥରେ ଦିଅ ବତେଇ ।।
ଜାଣିନି ଚିଠି ମୋର ପହଞ୍ଚିବ କି ନାହିଁ ....
ସତ କହୁଛି ମାଆ ଏ ମନ ଖାଲି
ଅପେକ୍ଷା କରିଛି ତୁମ ପାଇଁ। ।।
ଇତି ତୁମ ଗେହ୍ଲା ପୁଅ
ପାପୁନା