ଅଲୋଡ଼ା ଅଚିହ୍ନା ମଣିଷଟିଏ

ସେ ଦେଖେ ପୁଣି ଅଚିହ୍ନା ପରି ଆଡେଇଯାଏ

ଚିହ୍ନି ନ ଚିହ୍ନିଲା ପରି

ଅଜଣା ଲୋକଟିଏ ପରିକା  ।

ଏବେ କାଳେ ସେ ମୋ ଭିତରେ 

ନିଜକୁ ପାଉନି ଖୋଜି ।

ଆଉ କାଳେ ମୋ ଆଖିରେ ତା ପ୍ରତି 

ସେ ଭଲପାଇବା ନାହିଁ ।

ଆଉ ତାକୁ ଭଲ ଲାଗୁନି ମୋ କଥା,

ମୁଁ କାଳେ ଜୋର୍ କରି ବାନ୍ଧି ରଖୁଛି ତାକୁ ମୋ କଥାରେ..

ଆଗଭଳି ସେ ମଧୁରତା କି ସନ୍ତୁଷ୍ଟି ନାହିଁ,

ମୋ ନାଁ ଶୁଣି ମୋ କଥା ଭାବି 

ସେ ଏବେ କଷ୍ଟ ପାଉଛି କାଳେ...

ଯେ ଦିନେ ମୋ କଥା ଶୁଣିବ ବୋଲି

ଜିଦ୍ ଧରି ବସୁଥିଲା,

ଯେ ଦିନେ ମୁଁ କଲ୍ ମେସେଜ ନଦେଲେ

ସେ ଅଭିମାନ କରୁଥିଲା,

ଏବେ ତା ପାଇଁ ମୁଁ ଜଣେ

ଅଲୋଡା ଅଚିହ୍ନା ମଣିଷ ଟିଏ ... ।।