ଏଵେ ପ୍ରେମ କେମିତି କରିବା କହ ଚକ୍ରଧର

ସତର ମାସ ପରେ ବି ଏଵେ କମିଲାନି କରୋନାର କୋକୁଆ ଭୟ

ଟୀକା ଆସିଲା ପରେବି ଥମିଲାନି ମୃତ୍ୟୁର ତାଣ୍ଡବ ଲୀଳା 

ଏଵେ ପ୍ରେମ କେମିତି କରିବା କହ ଚକ୍ରଧର,

ଏଵେ ପ୍ରେମିକାତ ଦୂରେ ଥାଉ ନିଜ ଲୋକଙ୍କ ପାଖକୁ ଯିବାକୁ ଲାଗୁଛି ଡର ।। 

ଏବେ ପ୍ରେମ ପାଇଁ ଅଘୋଷିତ କର୍ଫ୍ୟୁ

ଏଵେ ଖାଲି ଉଜୁଡା ସକାଳ ଓ ଉଜୁଡା ସଞ୍ଜର ଚିତ୍ର 

ସବୁଠି ଫଟା କପାଳ

କଫିନ୍ ପାଇଁ ନିଅଣ୍ଟ ପଡୁଛି ଜାଗା

ଶ୍ମଶାନରେ ଏଵେ ଲିଭୁ ନାହିଁ ଚିତା ।।

ଏଵେ ସବୁଠି ସନ୍ଦେହର ଆଖି

ଭୂତାଣୁ ସଂକ୍ରମଣର ଭୟ

ଏଵେ ପ୍ରେମ କେମିତି କରିବା କହ ଚକ୍ରଧର !

ସତର ମାସ ହେଲାଣି

ଜୁମ୍ ଆଉ ଗୁଗଲ୍ ମିଟରେ ପ୍ରେମିକା ଦେଖାଉଛି ମୁହଁ

ଇମୋଜିରେ ଆଲିଙ୍ଗନ ଇମୋଜିରେ ଚୁମ୍ବନ 

ଏମିତିରେ କଣ ଚାଲିଥିବ ପ୍ରେମ !

ଏବେ କେମିତି ପ୍ରେମ କରିବା କହ ଚକ୍ରଧର

ଏଵେ କେମିତି ପ୍ରେମ କରିବା କହ ।