ଦୁହିତା ଦୁଇ କୁଳକୁ ହିତା

        

ଦୁହିତା ଦୁଇ କୁଳକୁ ହିତା

ସେ ହିଁ ଜଗତ ଜିତା। 

ଝିଅ ଘରର ପ୍ରଜାପତି

ତା ପାଦର ପାଉଁଜି ଶବ୍ଦରେ

ଘର ପୁରି ଉଠେ

ନାରୀ ଘରର ମେରୁଦଣ୍ଡ

ତାର ଚୁଡିର ରୁଣୁଝୁଣୁ ଶବ୍ଦରେ

ଘରେ ସୁନ୍ଦରତା ଭରିଯାଏ। 

ସେ ମାଆ ସ୍ନେହର ପସରା

ତାର ପଣତକାନିରେ

ସାରା ପରିବାର ବନ୍ଧା ଥାଏ। 

ସେ ଶାଶୁ ଘରର ମୁରବୀ

ତାର ମନରୁ କେହି ନ ପାରନ୍ତି ବାହାରି

ସମସ୍ତଙ୍କ ମନକଥା ଜାଣିଥାଏ। 

ଦୁହିତା ଦୁଇ କୁଳକୁ ହିତା

ତା ବିନା ଜଗତ ପିତା

ସେ ସୃଷ୍ଟି ସ୍ଥିତିର ନିର୍ମାତା

ତା ପାଇଁ ଜଗତରେ ସ୍ଥିରତା। 

ଜବାହର ନବୋଦୟ ବିଦ୍ଯାଳୟ ଗଜପତି।