ଚାଲ ଯିବା କ୍ଷେତ ଆଡ଼େ

ସଖା ହେ ସଖା ହେ

ଦୂରରୁ ଶୁଭୁଛି ହଳିଆ ଗୀତ

ସରିଲାଣି ବୋଧେ କ୍ଷେତ ରେ ହଳ

ଅନୁକୂଳ କରି ବିହନ ବୁଣିବେ

ଚାଲ ଯିବା ବୁଲି କ୍ଷେତ ଆଡ଼େ ।

ବେଙ୍ଗୁଲିର ଡାକ ଶୁଭିଲାଣି

ମେଘାଚ୍ଛନ୍ନ ହେଲା ତୋଫା ଗଗନ

ଓହ୍ଲାଇ ଆସିବେ ବରଷା ରାଣୀ

ଧରିତ୍ରୀର କୋଳ ମଣ୍ଡନ ପାଇଁ

ଚାଲ ଯିବା ବୁଲି କ୍ଷେତ ଆଡ଼େ ।

ହୁଳହୁଳି ସହ ଲକ୍ଷ୍ମୀ ମାଁ ଙ୍କୁ ସୁମରି

ଗାଁ ସ୍ତ୍ରୀ ଲୋକେ ଚାରା ଯେ ରୁଅନ୍ତି

ପାରମ୍ପରିକ ଗୀତ ଗାଇ ଗାଇ

ସୁଲୁସୁଲିଆ ବାଆ ଖାଇ ଖାଇ ।

ସଖା‌‌ ହେ ସଖା ହେ

ସେ ଭିଜା ମାଟିର ବାସନା ଶୁଙ୍ଘିବା

ମାଟିର ସ୍ୱାଦକୁ ଆମେ ବି ଚାଖିବା

ସୁନାର ଫସଲ ପାଖରୁ ଦେଖିବା

ଚାଲ ଯିବା ଟିକେ କ୍ଷେତ ଆଡ଼େ ।