ବୃକ୍ଷ ରୋପଣ
ବୃକ୍ଷ ରୋପଣ
ଜୀବନ ଧାରଣେ ଅତି ପ୍ରୟୋଜନ
ବୃକ୍ଷ ରୋପଣର ଚିନ୍ତା
ସଶକ୍ତିକରଣେ ଜୀବିତ ରଖିବା
ଆମ ଧରା ପୃଷ୍ଠ ସତ୍ତା ।
ପ୍ରକୃତି ରାଣୀର ଶୋଭାର ଭଣ୍ଡାର
ବଲ୍ଲରୀ ପାଦପ ଗଣ
ଅବକ୍ଷୟ ପାଇଁ ଆଧାର ପାଲଟି
କରୁ ଥାଏ ସଂରକ୍ଷଣ ।
ଅମ୍ଳଜାନ ଦେଇ ଜୀବନ ବଞ୍ଚାଏ
ସତେ ସଂଜୀବନୀ ବୋଳି
ତା'ର ଓହଳରେ ଆନନ୍ଦ ଉଲ୍ଲାସେ
ବାଲ୍ୟକାଳ ଖେଳେ ଦୋଳି ।
ବାଟୋଇର ସେତ ଅମୃତର ଛାୟା
କବି ଲେଖନୀର ଛବି
ସ୍ବର୍ଣ୍ଣିମ କିରଣ ବୃକ୍ଷ ଉହାଡରୁ
ସୁନ୍ଦର ବାଳୁତ ରବି ।
ମନୋହର ଦୃଶ୍ୟ କରୁଥାଏ ତୋଷ
ସକଳ ପରାଣ ଜିତି
ବିବିଧ ବର୍ଣ୍ଣର କୁସୁମ ଫୁଟାଇ
ରଖିଛି ଧରାରେ କୀର୍ତ୍ତି ।
ବିହଙ୍ଗ ବିହାରେ ସାହାରା ସାଜେ ସେ
ଶାଖାକୁ ନୀଡ଼ ସୁନ୍ଦର
କାକଳି କୁଜନେ ଜନ ମନ ମୁଗ୍ଧ
ଏତ ବୃକ୍ଷ ଉପକାର ।
ଔଷଧୀୟ ଦାନେ ବ୍ୟାଧି ମୁକ୍ତ କରି
ସାଜିଛି ରକ୍ଷା କବଚ
ବୃକ୍ଷ ଅବଦାନ ଅକଳନୀୟ ଯେ
ଭାବନା ରଖିବା ସ୍ୱଚ୍ଛ।
ଏ ଜୀବନ ସଦା ନିର୍ଭରଶୀଳ ତ
ରହିଛି ବୃକ୍ଷ ଉପରେ
କାହିଁକି ନିର୍ଦ୍ଦୟେ କର୍ତ୍ତନେ ମୋହିତ
ଦୟା ନାହିଁ ତାହା ଠାରେ ।
ଶପଥ କରିବା ବୃଦ୍ଧି କରାଇବା
ବୃକ୍ଷ ପ୍ରଜାପତିର ମାନ
ଅରଣ୍ୟ ଜୀବନ ବଞ୍ଚିବା ପାଇଁକି
ନିଗାଡି ରଖିବା ଧ୍ୟାନ ।