ବିସ୍ମୟ ବିସ୍ତାପ

ନୀରବତା ତୁମ ନିଃସଙ୍ଗରେ ଆସି

ଦିଏ କେତେ ଉପହାର ।

କେମିତି କହିବି ନୀରବ ବ୍ୟଥା,

ଅଶ୍ରୁ ଅଟେ ନାମ ତା'ର ।

ଆଶିଷ ରେ ତୁମେ ଆଉଁସି ଦେଇଛ

ଆଞ୍ଜୁଳାଏ ଅଭିବ୍ୟକ୍ତି ।

ସେଦିନୁ ଲେଖୁଛି ଇତିହାସ ଭାବି,

ଅପାଶୋରା ପ୍ରେମ ଗୀତି ।

ଆଜି ପଚାରନା ଏହି ଜୀବନରେ

କେତେ ଧୂଳି କେତେ ଧୂସର ।

ତଥାପି ପ୍ରସ୍ତୁତି ନିତି କେତେ ଗୀତି,

ହୃଦୟରେ କରି ଆସର ।

ତୁମେ ଗଲାଦିନୁ ସଞ୍ଜ ଆସେ ସିନା

ଦେଖିନି ସେ ରୂପା ଜହ୍ନ।

ଯେଉଁ ପୁନେଇଁରେ ନିଜକୁ ସମର୍ପି,

ଦେଇଥିଲ ତୁମେ ମନ ।