ବିଜେ ଆଖଣ୍ଡଳମଣି
ବିଜେ ଆଖଣ୍ଡଳମଣି
କଳିଯୁଗେ ତେଜି କୈଳାଶ କନ୍ଦର l
ଉତ୍କଳରେ ବିଜେ ଆଖଣ୍ଡଳେଶ୍ୱର ll
ବୈତରଣୀ ସ୍ରୋତ ବହେ ଝର ଝର l
ତା ମଧ୍ୟେ ମିଶିଛି ସାଳନ୍ଦୀର ଧାର ll
ପୁଣ୍ୟ ଧାରା କୁଳେ ପ୍ରଭୁ ଶୂଳପାଣି l
ବସିଛନ୍ତି ବାବା ଭକ୍ତ ମନ ଜାଣି ll
' ଆ ' ରଡ଼ି କରି ଡାକନ୍ତି ଭକତେ l
ଦୁଃଖହର ବାବା ଏ ସାରା ଜଗତେ ll
ଘର୍ଷଣ ତାଙ୍କର ସାକ୍ଷାତ ଅମୃତ l
ବିନ୍ଦୁ ମାତ୍ର ପାଇ ଭକ୍ତ କୃତ୍ୟକୃତ୍ୟ ll
ଧଣ୍ଡା ଅଟେ ତାଙ୍କ ସର୍ବବ୍ୟାଧି ହର l
ଆଖଣ୍ଡଳମଣି ସ୍ୱୟମ୍ଭୁ ଶଙ୍କର ll
ତଳଦିଗେ ପୂର୍ବଭାଗେ ଏ ଉତ୍କଳେ l
ଆରଡ଼ି ଗ୍ରାମରେ ବିଜେ ଆଖଣ୍ଡଳେ ll
ଆଶୁତୋଷ ମଣି ନାମେ ତାଙ୍କ ପୂଜା l
ଉତ୍ତୁଙ୍ଗ ଦେଉଳେ ଉଡ଼ୁଅଛି ଧ୍ଵଜା ll
ଅରଖ ଗୟସ କେତକୀ ଦୁଦୁରା l
ପୂଜାଫୁଲ ତାଙ୍କ ଅତି ପ୍ରୀୟ ପରା ll
ହଳାହଳ ବିଷ ଭକ୍ଷି ନୀଳକଣ୍ଠ l
ସଂସାରରୁ ହର ବିଷମୟ କଷ୍ଟ ll
ଜୟ ଆଶୁତୋଷ ହେ ପାର୍ବତୀବର l
ତଵପଦେ କରେ କୋଟି ନମସ୍କାର ll