ଅତୀତର ପୃଷ୍ଠା

ଅତୀତର ପୃଷ୍ଠା ଉନ୍ମୋଚନ କଲେ 

ମନେ ପଡ଼ିଯାଏ କିଛି କାହାଣୀ ରାଜି 

ଆଖି ଆଗେ ଦୃଶ୍ୟମାନ ହୁଏ କେତେ 

କରୁଣଚିତ୍ରର ନମୁନା ଆଜି |

ଇତିହାସ ଯା'ର କାହାଣୀ ବଖାଣେ 

ତା ସ୍ମୃତି ଯାଇଛି କେବେଠୁ ହଜି 

ଯାହା ପାଇଁ ଥିଲା ଦେଶ ସ୍ୱାଭିମାନ 

ଯେ ଲଗାଇଥିଲେ ଜୀବନ ବାଜି |

ଜାତିର ଜାତକ ହଜି ତ ଯାଇଛି 

ଖାଲି ପ୍ରପୀଡ଼ନ ରାକ୍ଷସ ସାଜି 

କିଏ ସେ କାନ୍ଦୁଛି କାହାକୁ ହରାଇ 

ଏଠି ସମୟଟା ମାରିଛି ବାଜି |

ମାଆଟିଏ ସିଏ ନୟାନ୍ତ ହେଲାଣି 

ଯୋଗ୍ୟ ପୁଅଟିଏ ଖୋଜି ଖୋଜି 

ଅଦୃଶ୍ୟରେ ଖାଲି ବିଳପି କାନ୍ଦୁଛି 

ବିବର୍ଣ୍ଣ, ବିଷର୍ଣ୍ଣ ତା ରୂପରାଜି |