ଅପରାହ୍ନର ମୁହୂର୍ତ୍ତରେ ଆମେ
ଅପରାହ୍ନର ମୁହୂର୍ତ୍ତରେ ଆମେ
ସାରା ବିଶ୍ବରେ ଏବେ ମହାପ୍ରଳୟର ତାଣ୍ଡବ
ଧରାଶାୟୀ ଆଜି ବସୁନ୍ଧରା, ବିଭୋର ଆଜି ଏ ସମାଜ
ଆଧୁନିକ ଯୁଗର ଅପରାହ୍ନର ମୁହୂର୍ତ୍ତରେ
ଆମେ ଗୋଟିଏ ଗୋଟିଏ ନିଶ୍ଵ କାରିଗର
ସମସ୍ତ କ୍ଷମତା, ବିଭବ ଥାଇ ବି ଆମେ ଆଜି ଅନ୍ଧ
ଦିଗନ୍ତର ପ୍ରତିଟି କୋଣ ଅନୁକୋଣ ରେ
ପ୍ରବାହିତ ହେଉଛି ସମୟ ଓ ଜୀବନ ର ସବୁକ୍ଷଣ
ଅନୁକ୍ଷଣେ ପ୍ରତ୍ୟାଶାର ପ୍ରାପ୍ତି ନିମନ୍ତେ
ପ୍ରୟାସ ର ଏକ ନୂଆ ଜୀବନ ଆରମ୍ଭ ର ଯୋଜନା
ଯାହାର ଛାୟା ଆଜି କାୟା ବିସ୍ତାର କରିଛି
ଏ ସାରା ବିଶ୍ୱରେ, ଅପରାହ୍ନର ମୁହୂର୍ତ୍ତରେ ଆମେ
ମନକୁ କରି କରାୟତ ଚଢିବାକୁ ହେବ ସିଡି ପରେ ସିଡି
ଉନ୍ମୋଚିତ ହେବ ନୂତନ ସଂସ୍କରଣ ,ନବ ଦିଗନ୍ତ ର
ଆଭାରେ ଉଦଭାସିତ ଆମେ ସମସ୍ତେ ଗୋଟିଏ
ଗୋଟିଏ ମରୁ ପଥର ଯାତ୍ରୀ,ଏଇ ଅପନ୍ତରା
ରାସ୍ତାର ଅବାଞ୍ଛିତ ଶିଶୁ, ଅବୋଧ ବାଳକ ପରି
ସମୟର ଅପରାହ୍ନର ମୁହୂର୍ତ୍ତରେ।