ଅନ୍ତିମ ଯାତ୍ରା

ସେଦିନ ର ସେହି ଶିତୁଆ ସନ୍ଧ୍ୟା ରେ ,

ଆଖି ଭିଜା ଲୁହର ସାଗରରେ, ଖୋଜି ବୁଲେ ,

ରାମ ନାମ ସତ୍ୟର ଲହରୀ ଭିତରେ ,

ବୁଝି ପାରୁ ନଥିବା ପ୍ରଶ୍ନ ଟିର ଉତ୍ତରରେ

ଜୀବନ ,ଜନ୍ମ ମୃତ୍ୟୁ ରହସ୍ୟ ଘେରରେ

ପିଲା ବେଳ ର କୋମଳ ମନରେ

ବାରମ୍ବାର ପ୍ରଶ୍ନ ପଚାରେ ପିତାଙ୍କୁ ମୋର ,

ଉତ୍ତରରେ ପାଇ ଥିଲି ଥରେ,

“କେହି ରହି ନାହିଁ ରହିବେ ନାଇଁ ତ

ଏ ଭାବ ରଙ୍ଗ ଭୂମି ତଳେ

ସର୍ବେ ନିଜ ନିଜ ଅଭିନୟ ସାରି

ବାହୁଡିବେ କାଳ ବଳେ “

ମୃତ୍ୟୁ , କଠୋର ହେଲେ ବି ନିରାଟ ସତ୍ୟ

ଆଜି ସେହି ପିତା ଅନ୍ତିମ ଯାତ୍ରାରେ

ରାମ ନାମ ସତ୍ୟ ର ଲହରୀ ଭିତରେ

ପିଲାବେଳ ସ୍ମୃତି ସାଉଣ୍ଟୁ ସାଉଣ୍ଟୁ

ହଜିଯାଏ ମନ ଅତୀତର ସ୍ମୃତିରେ

କିଛି ଝାପସା ଝାପସା ଅନୁଭୂତିରେ

ଏହି ଲୁହ ଭିଜା ସନ୍ଧ୍ୟା ରେ

ପିତାଙ୍କର ଅନ୍ତିମ ଯାତ୍ରାରେ

ସତ୍ୟ ଆଜି ପରିଣତ ହୋଇଛି ମୃତ୍ୟୁ ର ଉତ୍ତରରେ