ଆଜିର ଗଣତନ୍ତ୍ର

ଗଣତନ୍ତ୍ର,ସେ ତ ଅବଳା ନାରୀର ଦୁଃଖ

ପୁଣି ଦୁର୍ବଳର ପ୍ରତିଶବ୍ଦ

ଯେତେ ହତ୍ୟା କର ଅବା କ୍ଷତ ବିକ୍ଷତ କର

କରେ ନାହିଁ ପ୍ରତିବାଦ

ଦେଖୁଥାଏ ହୋଇ ସ୍ତବ୍ଧ

ଓହଃ,..............

କଳା ପାହାଡ଼କୁ ନ୍ୟାୟ ଦେବା ପାଇଁ

ଏଠି, ସଭିଏଁ ହୁଅନ୍ତି ବ୍ୟଗ୍ର ||

ଗଣତନ୍ତ୍ର,ଏବେ ଅନ୍ୟାୟର ବଡ଼ ଅଙ୍ଗ

ସମ୍ବିଧାନର ମିଥ୍ୟା କୁମ୍ଭ

ଏଠି ସୁବିଧା ବାଦର ସୁନ୍ଦର ଉଦାହରଣ

ଦେଖି ଦେଖି ଆଖି ଅନ୍ଧ

ନଦେଖିଲେ ବି ପାଟି ବନ୍ଦ

ଓହଃ,...............

ଅନ୍ୟାୟର ଯାତ୍ରା ଦେଖିବାକୁ ଭିଡ଼

ପୁଣି ନ୍ୟାୟ ମାଗିଲେ ଯୁଦ୍ଧ ||

ଗଣତନ୍ତ୍ର,ଏବେ ଗଣିତ ତନ୍ତ୍ରର ଅଙ୍କ

ପିଲା ଗଣିତର ମାନସାଂକ

ହିସାବ ନିକାସ ମିଶାଣ ଫେଡ଼ାଣକୁ ନେଇ

ସଂଖ୍ୟା ଗଣିତର ଏକ ଅଂଶ

ଲୋକ ଦେଖାଣିଆ ଲୋକତନ୍ତ୍ର

ଓହଃ,..............

ନିର୍ବାଚନ ପରେ ସରକାର ଘରେ

ଅଛିଣ୍ଡା ଗଣିତ ଅଙ୍କ ||

ଗଣତନ୍ତ୍ର,ସେ ତ ଦୁଇ ଦିନର ଅତିଥି

ଜେଲ୍ ଫେରନ୍ତା କଏଦୀ

ଜାନୁଆରୀ ଛବିଶ ଅବା ଅଗଷ୍ଟ ପନ୍ଦରେ

ମନେପଡ଼େ ଗଣତନ୍ତ୍ର ବିଧ୍ୟ

ବନ୍ଦେ ମାତରମର ଆବୃତି

ଓହଃ..................

ସଞ୍ଜ ନଇଁ ଗଲେ ଅତିଥି ଅଚିହ୍ନା

ଏଠି ଗଣତନ୍ତ୍ର ନିଜେ ବନ୍ଦି ll