अनामिक भय

एक अनामिक भीती सतत पाठलाग करत रहाते,

माझ्यातला आत्मविश्वास कमी करत रहाते,

मनासारख्या जगण्याला छळत रहाते,

जगण्याचा गुंता वाढवत रहाते ,

कुठल्या वेळी कुठलं रूप धारण करेल ते सांगता येत नाही ...

कधी पुरूषातील स्त्री तर कधी स्त्रीमधील

पुरूष जागृत होउन मानगुटीवर बसतो,

कथा कादंबर्‍या मधील भूत मग प्रत्यक्षात अवतरण लागते ,

कोणत्याही कामात आड येत रहाते...

ताठ मान माझी मग

सहारा शोधत रहाते ...

सहारा शोधत रहाते ...