तुझ्याशिवाय जमणार नाही

जाऊ नको माहेरी

तुझ्याशिवाय जमणार नाही ।

राग तुझा घालवू कसा

वाद मी करणार नाही ।

भावना तुझ्या कळल्या

दुःख तुला देणार नाही ।

नेहमी तू हसत राहा

हसेल सोबत तुझ्या मीही ।

दागिने हवे की साडी

मन तुझे मोडणार नाही ।

सोन्या नाण्याची हौस तुझी

पगारात माझ्या जमवेल काही ।

जमेल ते मी करेल सारे

रुसू तुला मी देणार नाही ।

प्रेमात तुझ्या वेडा मी

प्रेम कधी सोडणार नाही ।

सासर माहेर तुझेच घर

पण मी सासरी येणार नाही ।

तू पण तिथे नको जाऊस

इथेच आपण करू काही ।