तुझी वाट पाहते मी...
तुझी वाट पाहते मी...
तुझी वाट पाहते मी
येशील का रे पुन्हा
सरले ग्रीष्म कैक
माझ्या सावलीच्या ऊन्हा
आठवूनी स्पर्श तुझा
मज फुटला रे पान्हा
शमविण्या तृष्णा तयाची
होशील का रे तान्हा
आसुसली ही मीरा
प्रतिक्षुन रे कान्हा
थकले उपेक्षुन आता
एकदाच भेटूनी जाना
नाचेन मी आनंदविभोर
तु वसंत होऊन येना
तल्लीन मी भिजेन चिंब
तु पाऊस बनुन मिठीत घेना
व्याकुळ उभी मी तिथेच
अवचित कधी भेट देना
आतुर भेटीस तुझ्या
अबलेची हाक ऐकना
तुझी वाट पाहते मी
येशील का रे पुन्हा
येशील का रे पुन्हा.....