साथ मागतोय
साथ मागतोय
आयुष्याच्या उत्तरार्धात काठी नाही हात मागतोय
दरमाही भीक नको थोड्या दिवसानची साथ मागतोय ।
असेल भ्रष्ट झालेली बुद्धी आणि वाकलेला कणा
आयुष्यभर केलेल्या कष्टांच्या गंजलेल्या ह्या खुणा ।
मान्य ! ति ऐट, तो रुबाब आता उरलाच नाही
जिभेवर ना शब्दांची घाई, ना लेखणीत उरलीय शाई ।
सैल होतेय पकड आणि जीर्ण झाले डोळे
कधी निसटले कळलेच नाही मला माझ्या हाताखालचे घोडे ।
आता ना कुठला व्याप ना कुठले कुणाचे कर्ज
मृत्यु चे अंतर मोजण्यात दिवस होतोय खर्च ।
मी आयुष्यात नेहमीच प्रवासावर करत आलोय प्रेम
कारण कुठे जाऊन पोहचेल याचा कुणालाच नाहीय नेम ।